Shyǵys Qazaqstanda taǵy bir jol jabyldy
ÓSKEMEN. KAZINFORM — Shyǵys Qazaqstan oblysynda aýa raıynyń qolaısyzdyǵyna baılanysty kezekti joldaǵy qozǵalysqa shekteý qoıyldy.
ShQO tótenshe jaǵdaılar departamenti baspasóz qyzmetiniń málimetine súıensek, joldyń durys kórinbeýine, boran men kóktaıǵaqqa baılanysty oblystyq mańyzy bar avtokólik jolynda kólik qozǵalysyna tyıym salyndy.
— «Tarhanka-Topıha» tasjolynyń 0-12 shaqyrymynda kóliktiń barlyq túrleriniń qozǵalysyna ýaqytsha tyıym salyndy. Sondyqtan júrgizýshilerdi óz baǵyttaryn aldyn ala josparlap alýdy suraımyz, — delingen aqparatta.
Al «Dmıtrıevka-Borodýlıha-Shemonaıha» tasjolynyń 72-80 shaqyrymynda (ShQO shekarasy men Artemevskaıa kenishiniń arasy) barlyq avtokólik túrlerine qozǵalys ashyldy.
Eske salsaq, osyǵan deıin ShQO men Abaı oblysyndaǵy 6 jolda kólik qozǵalysyna shekteý qoıylǵany habarlanǵan.