Shyǵys Qazaqstanda nárestelerge qandaı esimder jıi qoıylady

Shyǵys Qazaqstan oblysynda adamdarǵa eń jıi qoıylatyn esimder reıtıngisi jarııalandy, dep habarlaıdy Kazinform.

«Azamattarǵa arnalǵan úkimet» memlekettik korporatsııasynyń Shyǵys Qazaqstan oblysy boıynsha fılıaly óńirdegi eń tanymal esimderdiń reıtıngin jasady.

Qyzdar arasynda úzdik bestikke Aıkórkem, Aıbıbi, Kózaıym, Ýlıana, Mýslıma esimderi endi. Al, er adamdarǵa qoıylǵan esimder tiziminde Islam, Hangeldi, Hantóre, Hamza, Mark esimderi kósh bastap tur. 

Búgingi tańda balanyń týý týraly kýáligin alýǵa ótinimdi onlaın rejımde berýge bolady. Osy jyldyń basynan beri ShQO-da barlyǵy osyndaı 30 myńnan astam qujat berilgen. Onyń ishinde resimdeýge 4 myńnan astam ótinim onlaın formatta berilip otyr. Eger ótken jylmen salystyrsaq, proaktıvti ótinimder sany eki esege artqan. 

«Bala týǵannan keıin anasy SMS-habarlama alady. Bul habarlamaǵa jaýap retinde siz birneshe suraqqa jaýap berip, tańdaǵan esimińizdi jazýyńyz kerek. Bul format týý týraly kýálikti alý protsesin jeńildetedi jáne ýaqytty aıtarlyqtaı únemdeıdi», - deıdi oblystyq fılıaldyń dırektory Azamat Esembýlov.