Shyǵys Qazaqstanda qar kóshkini túsiriledi

ÓSKEMEN. KAZINFORM – Shyǵys Qazaqstan oblysynyń qutqarýshylary jasandy jolmen qar kóshkini túsiriletinin eskertti.

ShQO Tótenshe jaǵdaılar departamenti baspasóz qyzmetiniń málimetine súıensek, qar kóshkini búgin saǵat 11.00-de túsiriledi.

«Oblystyq mańyzy bar «Óskemen-Altaı» tasjolynyń 58-66 shaqyrymynda jasandy jolmen qar kóshkini túsiriletinin eskertemiz. Osyǵan oraı kólik júrgizýshilerinen júrer joldy aldyn ala josparlap alýdy suraımyz», - delingen aqparatta.

Sondaı-aq TJD qyzmetkerleri óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.