Shyǵys Qazaqstanda alǵash ret aýyl mektebi spýtnıktik ınternetke qosyldy
ÓSKEMEN. KAZINFORM – Shyǵys Qazaqstanda oblysynda alǵash ret aýyl mektebine «Starlink» spýtnıktik ınterneti qosyldy.
Úlken Naryn aýdanynyń Sennoe aýylynyń jalpy bilim berý mektebine «Starlink» spýtnıktik ınterneti ornatylyp, iske qosyldy. ShQO tsıfrlandyrý jáne muraǵattar basqarmasynyń málimetine súıensek, bıyl óńirdegi 170 mektepke osyndaı ınternet ornatylady dep josparlanǵan.
«Degenmen sol mektepterge keıin tolyqqandy ǵalamtor jelisi júrgiziletin bolady. «Starlink» qazirde sapasy jaǵynan alda turǵan jelilerdiń biri. Onyń jyldamdyǵy sekýndyna 120 mbıt jáne odan joǵary bolýy múmkin. Sondaı-aq, onyń iske qosý joly da jyldam», - delingen aqparatta.
Úlken Naryn aýdany ákiminiń mindetin atqarýshy Eldos Baırahmetovtyń aıtýynsha, Sennoe aýylynda búgingi tańda 255 adam turady. Buryn bul aýylda múlde ınternet bolmaǵan.
«Oblys boıynsha alǵashqy spýtnıktik ınternet bizdiń aýdandaǵy mektepke iske qosylǵanyna rızamyz. Jalpy bilim beretin osy mektepte barlyǵy 31 oqýshy oqyp jatyr. Endi ınternet qosylǵan soń olardyń sapaly bilim alýyna, qajetti aqparatqa qol jetkizýine jaǵdaı jasalady», - dedi ol.
