Shyǵys Qazaqstan turǵyndaryn kene shaǵa bastady

ÓSKEMEN. KAZINFORM — Shyǵys Qazaqstan oblysy Rıdder qalasynda 4 adamdy kene shaqty.

Kún jylynǵaly óńirde kene maýsymy bastalyp ketti. 30 naýryz kúni Leshoz shaǵyn aýdanynda kene shaǵýdyń alǵashqy faktisi tirkeldi. Al 7 sáýirdegi jaǵdaı boıynsha, Rıdderde keneden 4 adam zardap shekken. Onyń úsheýi eresek, bireýi bala. 

— Eger sizdi kene shaqsa, múmkindiginshe erterek, naqty aıtqanda tórt kúnniń ishinde medıtsınalyq mekemege baryp qaralyńyz. Onda keneni alyp tastap, ımmýnoglobýlın egilip, ary qaraı medıtsınalyq baqylaýda bolasyz, — deıdi qalanyń bas memlekettik sanıtarlyq dárigeri Gúlmıra Myrzaǵaraeva.

Aýrýhanalarda kene entsefalıtine qarsy vaktsına bar. Sonymen qatar kene shaqqannan keıingi aýrýdyń aldyn alý úshin ımmýnoglobýlın de jetkizilgen.

Aıta keteıik, Shyǵys Qazaqstan respýblıkada kene entsefalıtin juqtyrý qaýpiniń joǵary aımaǵyna jatady. Óńirde aýrýshańdyq deńgeıi Qazaqstan boıynsha ortasha kórsetkishten 4,1 ese joǵary.

Eske salsaq, osyǵan deıin SQO-da kún jylynǵaly on adamdy kene shaqqany habarlanǵan.