Shetpedegi zańsyz qoqys tógýdi, karer jumystaryn júrgizýdi doǵarý kerek - Toqaev
«QazAzot», «MAEK-Qazatomprom», «CASPI BITUM», «Mańǵystaýmunaıgaz» sııaqty mekemelerdiń ústinen shaǵym túsip jatyr. Árıne, tabıǵatqa zalal keltirgeni úshin salynǵan aıyppuldyń kólemi ekologııaǵa tıgen zardaptyń ornyn toltyrmaıdy.
Bul kompanııalardyń qorshaǵan ortany qorǵaýǵa, eskirgen qural-jabdyqtardy jańartýǵa, zamanaýı tazalaý tehnologııasyn ornatýǵa qatysty mindettemeleri bar. Ekologııa mınıstrligi kásiporyndardyń Ekologııalyq kodeksti saqtaýyn qatań baqylaýǵa alýy kerek», - dedi Memleket basshysy.
Ol «Qoshqar-Atadaǵy» qaldyq qoımasyn retke keltirý – asa mańyzdy jumys ekenin alǵa tartty.
«Onda 66 sharshy shaqyrym jerge 100 mıllıon tonnadan asa zııandy qaldyq kómilgen. Byltyr onda meniń tapsyrmam boıynsha aýqymdy jumys bastaldy. Jobanyń alǵashqy kezeńi 2024 jylǵa deıin júzege asyrylady. Oǵan qajetti qarjy tolyǵymen bólindi. Jumys barysyn qatań baqylaýda ustaý qajet.
Ókiletti organdar qazirden bastap jobanyń ekinshi bóligin daıyndaı bergeni jón. Shetpedegi zańsyz qoqys tógýdi jáne karer jumystaryn júrgizýdi doǵarý kerek. Bul qaldyqtardy joıý jóninde arnaıy baǵdarlama ázirleýdi tapsyramyn. «SAT Operating Aktau» kompanııasynan qalǵan qaýipti hımııalyq qaldyqtardy joıýǵa jáne kómýge basa mán bergen jón», - dedi Qasym-jomart Kemeluly.
Memleket basshysy b urynǵy Hımııa gıdrometallýrgııa zaýytynyń radıatsııalyq qaldyqtaryn da zalalsyzdandyrý kerektigin atap ótti. Bul qaldyqtar turǵyndar men tabıǵatqa qaýip tóndirýi múmkin.
«Osy máseleni sheshý úshin shuǵyl sharalar qabyldaý qajet. Qarakól jasandy kóli – Mańǵystaý oblysyndaǵy erekshe kórikti jer. Bul jerge kóktemde jáne kúzde qus kóp keledi. Onyń ishinde Qyzyl kitapqa engen qyzǵylt qoqıqaz bar. Ekologtar kóldiń tartylyp bara jatqanyn aıtyp júr. Ondaǵy ahýaldyń ózgerýin jurt Shora kanalyna salynyp jatqan kópirmen baılanystyrady. Osy máseleni sheshýdiń túrli joldary bar. Úkimet ony muqııat zertteýi qajet», - dedi Prezıdent.
Onyń paıymynsha, bógendi saqtaý óte mańyzdy. Jerdiń shóleıttenýi – óńirdegi óte ózekti máseleniń biri.
«Topyraq jyldan jylǵa qunarsyzdanyp barady. Kóshpeli qum tutas aýyldardyń tynys-tirshiligine qaýip tóndirýi múmkin. Jerdiń shólge aınalýyn toqtatý úshin tıisti jumys júrgizilip jatyr. Biraq onyń tıimdiligi shamaly bolyp tur.
Bul rette, sekseýil egý isi tıimdi bolyp otyr. Bul aımaqqa irgeles elderde de osyndaı jumys jaqsy nátıje kórsetýde. Óńirdiń ekologııalyq máseleleri boıynsha táýelsiz ekologtarmen, úkimettik emes uıymdarmen jáne kásiporyn ókilderimen birlese jumys isteý qajet. Bul jumysqa joǵary bilikti halyqaralyq sarapshylardy tartý mańyzdy», - dedi Q.Toqaev.
Ol q uzyrly organdar ashyq jáne tıimdi sheshim qabyldasa, memlekettiń, bıznes pen azamattardyń ózara jaýapkershiligi joǵary bolsa, óńirdiń ekologııalyq ahýalyn aıtarlyqtaı jaqsartýǵa bolady degen senimde.
«Óńirdi damytýǵa qatysty negizgi basymdyqtar – osyndaı. Ákimdik pen Úkimet birlesip, osy aıtylǵan máselelerdi qarap, tapsyrmalardyń múltiksiz oryndalýyn qamtamasyz etýge tıis», - dedi sodan soń.