Sheteldikterge Ystyqkóldegi demalys oryndaryn satyp alýǵa ruqsat etilýi múmkin

ASTANA.KAZINFORM –Qyrǵyzstanda shetel azamattaryna Ystyqkóldegi demalys oryndaryn ıelenýge ruqsat beriledi. Qyrǵyzstannyń Jogorký Keneshiniń tıisti komıteti tıisti zań jobasyn ekinshi oqylymda maquldady.

Zań jobasynda sheteldik ınvestıtsııalardy tartý maqsatynda sheteldik tulǵalarǵa rekreatsııalyq obektilerge (pansıonattar, kýrorttar, demalys úıleri, kottedjdik kentter, qonaq úıler jáne basqalar) menshik jáne paıdalaný quqyqtaryn berýge baılanysty túzetýler engizý usynyldy. Qyrǵyz depýtattarynyń pikirinshe, bul óz kezeginde eldiń týrıstik qyzmetterdiń álemdik naryǵyna kirýine jáne ekologııalyq-ekonomıkalyq júıeniń damýyna yqpal etedi.

Keıbir depýtattar zań jobasynda nysandardyń nemese jerdiń satylatyndyǵy naqty kórsetilmegenine alańdaýshylyq bildirdi.

Zań jobasy bastamashylarynyń aıtýynsha, jer satylmaıdy, tek demalys oryndary ǵana satylady.