Sheteldikter JSN-di Qazaqstannyń sheteldegi elshilikterinen ala alady
ASTANA. KAZINFORM – Sheteldik azamattar JSN-di Qazaqstannyń sheteldegi 96 elshiligi men konsýldyǵynan ala alady. Syrtqy ister mınıstrligi, Іshki ister mınıstrligi, Tsıfrlyq damý, ınnovatsııalar jáne aeroǵarysh ónerkásibi mınıstrligi «QR sheteldik uıymdary arqyly shetel azamattary úshin jeke sáıkestendirý nómirin qurý» pılottyq jobasyn iske asyrý týraly birlesken buıryqqa qol qoıdy.
Pılottyq joba 2024 jyldyń 13 sáýirinen 31 jeltoqsanǵa deıin jalǵaspaq.
Buıryqqa sáıkes, ilki jobany iske asyrý algorıtmi bekitildi. Memlekettik qyzmet kórsetý merzimi – bir jumys kúni. Shetel azamatynyń QR sheteldegi mekemesine júgingen kúni memlekettik qyzmetti kórsetý merzimine kirmeıdi.
Memlekettik qyzmetti alý úshin sheteldik QR sheteldegi ókildigine ózi habarlasyp, jeke basyn kýálandyratyn qujattyń nysanyndaǵy ótinishti jáne kóshirmesin jáne salystyrý úshin onyń túpnusqasyn (eger basqa tártip belgilenbese, jaramdy sheteldik tólqujat) usynady. Bul rette, QR halyqaralyq sharttary saqtalýy tıis.
«Kórsetiletin qyzmetti alýshynyń jeke basyn kýálandyratyn qujatta kırıllıtsa nemese latyn qarpinde sáıkestendirý derekteriniń (tegi, aty, ákesiniń aty, týǵan jeri) jazýy bolmasa notarıýs kýálandyrǵan qujattyń tıisti aýdarmasy qosa beriledi», - delingen qujatta.
Halyqqa qyzmet kórsetý ortalyǵynyń biriktirilgen aqparat júıesine JSN alýǵa túsken ótinimder kóshi-qon polıtsııasynyń aqparattyq júıesine aýdarylady. Іshki ister mınıstrliginiń operatory kelip túsken ótinishterdi tekseredi jáne olar durys bolǵan jaǵdaıda JSN alý rásimin júrgizedi. Keıin Halyqqa qyzmet ortalyǵynyń biriktirilgen aqparat júıesine joldanady. Budan soń konsýl tirkeý kýáligin basyp shyǵarady jáne kórsetiletin qyzmetti alýshyǵa beredi.
«Konsýl kórsetiletin qyzmetti alýshylarǵa JSN alý týraly ótinishterdi rastaý jáne memlekettik qyzmet kórsetý kezinde belgili bolǵan málimetterdi zańsyz jarııa etkeni, sondaı-aq aqparattyq-kommýnıkatsııalyq tehnologııalar salasyndaǵy biryńǵaı talaptardy buzǵany úshin derbes jaýapty bolady», - delingen buıryq qujatynda.
Bul – aqparattyq qaýipsizdikti qamtamasyz etý úshin jasalǵan qadam.
