Sheteldikten eki myńǵa jýyq sim-karta tárkilendi

ASTANA. KAZINFORM — Almaty qalasynda ІІM kıberqylmysqa qarsy is-qımyl bólinisi jaldamaly páterde taıaý shet elderdiń biriniń azamatyn ustady, dep habarlaıdy Іshki ister mınıstrliginiń baspasóz qyzmeti.

ІІM kıberqylmysqa qarsy is-qımyl departamentiniń bastyǵy Jandos Súıinbaıdyń sózinshe, úı-jaıdy tekserý barysynda jedel ýákilder úsh sim-box qurylǵysyn tapty. Olardyń árqaısysynda 32 sim-karta sloty bolǵan.

—  Sondaı-aq ártúrli uıaly baılanys operatorlarynyń eki myńǵa jýyq sim-kartasy tárkilendi. Qurylǵylardyń kómegimen qazaqstandyqtarǵa alaıaqtyq qońyraýlar jasalǵan. Sheteldik azamattyń bizdiń elge byltyr jeltoqsan aıynda kelip, alaıaqtyq áreketter jasaý úshin atalmysh jabdyqtarǵa qyzmet kórsetýmen aınalysqany anyqtaldy. Qylmystyq is qozǵaldy. Kúdikti ýaqytsha ustaý ızolıatoryna qamaldy, — dedi ІІM kıberqylmysqa qarsy is-qımyl departamentiniń bastyǵy.

Eske salsaq, osyǵan deıin polıtsııa formasymen tikeleı efırge shyqqan shymkenttik tıktoker jaýapqa tartylǵanyn jazǵan edik.