Sheteldik kólikti zańdastyrý: HQO-da mamandar keńesi usynylady

ASTANA. QazAqparat – 23 qańtardan bastap elimizge shetelden jetkizilgen avtokólikterdi zańdastyrý naýqany bastalady. Osy oraıda kólik ıelerine mamandandyrylǵan Halyqqa qyzmet kórsetý ortalyqtarynda Іshki ister mınıstrligi Ákimshilik polıtsııa komıtetiniń jáne Qarjy mınıstrligi Memlekettik kirister komıtetiniń mamandary konsýltatsııa jasady, dep habarlaıdy QazAqparat tilshisi.

«Sheteldik kólikti zańdastyrý úshin ótinishti «Elektrondyq úkimet» portaly arqyly nemese mamandandyrylǵan Halyqqa qyzmet kórsetý ortalyǵyna baryp berýge bolady. Ol úshin qyzmet kórsetý ortalyqtarynda arnaıy sektor uıymdastyrylady. ıAǵnı ol jerde tek sheteldik avtomobılderdi zańdastyrý ótinishi men qujattar qabyldanady», - dedi Astana qalasy Polıtsııa departamenti basshysynyń birinshi orynbasary Dáýren Qazbekov baspasóz máslıhatynda.

Sondaı-aq, onyń aıtýynsha, avtoHQO-da ákimshilik polıtsııa qyzmetkeri de bolady.

«Ákimshilik polıtseı qajet jaǵdaıda sheteldik kólikti zańdastyrýdyń tártibi men erejesin túsindiredi. Odan bólek Memlekettik kirister organynyń qyzmetkeri bolady. Atalǵan maman kedendik tólemderge qatysty saýaldarǵa jaýap beredi», - deıdi spıker.

Buǵan deıin shetelden ákelingen qandaı kólikterdi zańdastyrýdyń qajeti joqtyǵy aıtyldy.

Kólikti zańdastyrmaǵan qazaqstandyqtarǵa qandaı jaza qarastyrylǵany da belgili boldy.

Keshe Іshki ister mınıstrliginde avtokólikterdi zańdastyrý úshin qandaı qujattar kerektigi, sheteldik kólikti zańdastyrýdyń qansha turatyny málim etildi.