Sheteldik ınvestorlar qyzmetkerlerine de áleýmettik jaǵdaı jasaý qajet - Saǵyntaev
Úkimet basshysy elimizde Іskerlik keńester, fıznes forýmdar, ınvestıtsııalyq forýmdar jıi ótetindigin jáne olarǵa taldaý jasaý qajettigin atap ótti.
«Forýmdarda kóptegen memorandýmdarǵa qol qoıamyz. Sońy nemen bitedi? Máselen, qazir árbir oblysta ınvestıtsııalyq forýmdar ótip jatyr. Ol jaqsy, ár oblystyń múmkindigin kórsetý qajet. Sol ınvestıtsııalyq forýmdarda qol qoıylǵan memorandýmdardyń qansha paıyzy iske asyrylýda? Eger iske asyrylmasa sebebi ne?», - dedi Premer-Mınıstr.
Sonymen qatar ol Qazaqstan ekonomıkasyna ınvestıtsııa salatyn ınvestorlardyń ózderine de, qyzmetkerlerine de áleýmettik jaǵdaı jasaý máselesine toqtaldy.
«Olar osynda qarjy quıǵannan keıin qyzmetkerlerin ákeledi. Sol kezde tirkeý jumystary, elektrondy vıza máselesi, tipti balalaryn mektepke, balabaqshaǵa ornalastyrý, medıtsınalyq kómek kórsetý máseleleri qalaı sheshilip jatyr, qandaı deńgeıde kóterip jatyr? Meıramhanalardyń qyzmet kórsetýi syndy máselerdi de sheshý qajet», - dedi Baqytjan Saǵyntaev.
Eske sala ketsek, Úkimet otyrysynda QR Investıtsııalar jáne damý mınıstri Jeńis Qasymbek Tikeleı ınvestıtsııalar qoryn qurý máselesi pysyqtalyp jatqanyn málim etti.
