Sheteldik BAQ-taǵy Qazaqstan: Astana halyqaralyq forýmy, alǵashqy gıbrıdti elektr stantsııasy jáne Germanııaǵa munaı jetkizýdi ulǵaıtý
Reuters: Eni kompanııasy jáne «QazMunaıGaz» Qazaqstanda jańartylatyn energııa kózderi men gazdan qýat alatyn alǵashqy gıbrıdti elektr stantsııasyn salady
8 maýsymda Reuters agenttigi ıtalıandyq energetıkalyq kompanııa Eni (ENI.MI) men qazaqstandyq munaı-gaz operatory «QazMunaıGaz» (QMG) Qazaqstannyń jańartylatyn energııa jáne gaz gıbrıdti elektr stantsııasyn salý úshin birlesip jumys isteıtinin habarlady.
«Biz búgin jarııalaǵan joba Qazaqstannyń dekarbonızatsııaǵa deıingi jolyn qoldaı otyryp, jańartylatyn energııa kózderin óndirý boıynsha qýatyn arttyrýǵa taǵy bir qadam»,- dedi Eni bas dırektory Klaýdıo Deskaltsı Reuters agenttigine.
Foto: REUTERS/Stefano Rellandini
Ol óz sózinde Qazaqstandaǵy bul otandyq óndiriske jáne tómen kómirtekti elektr energııasyn jetkizýge arnalǵan birinshi nysan ekenin atap ótti. Onyń qýaty 250 megavatt bolady jáne oǵan kún, jel, sondaı-aq gazben jumys isteıtin elektr stantsııasy kiredi. Eni kompanııasy Qazaqstanda 1992 jyldan beri jumys isteıdi jáne ol - Qarashyǵanaq gaz ken ornynyń birlesken operatory, Kaspıı teńiziniń soltústik bóligindegi alyp Qashaǵan gaz ken ornyndaǵy jobalardyń úlestik seriktesi.
Anadolu Agency:Qazaqstan 2024 jyldyń sońyna deıin munaı óndirýdi óz erkimen qysqartý mólsherin belgiledi
5 maýsymda Anadolu agenttigi Qazaqstan Energetıka mınıstrliginiń málimdemesine súıenip, Qazaqstan munaı óndirýdi erikti túrde táýligine 78 000 barrelge qysqartýdy 2024 jyldyń sońyna deıin taǵy bir jylǵa uzartatynyn jazdy. Bul málimdeme munaı eksporttaýshy elder uıymynyń (OPEK) jáne onyń odaqtastarynyń OPEK+ sheshimine sáıkes keledi.
Shilde aıynda Saýd Arabııasy óndiristi qosymsha erikti túrde táýligine 1 mıllıon barrelge qysqartyp, naryqtaǵy oıynshylardy tań qaldyrdy.
Foto: aa.com.tr
Sonymen birge, vedomstvo munaı óndirýdiń bul qysqarýy 4 maýsymda ótken OPEK+ mınıstrleriniń 35-shi otyrysynda kelisilgen óndirýdiń qajetti deńgeıine negizdelip esepteletinin atap ótti.
Aljazeera: Qazaqstan – Soltústik, Ońtústik, Shyǵys pen Batysty baılanystyratyn kópir degen taqyrypta maqala jarııalady
6 maýsymda Aljazeera basylymy Qazaqstan – Soltústik, Ońtústik, Shyǵys pen Batysty baılanystyratyn kópir degen taqyrypta maqala jarııalady. Basylym Qazaqstan Prezıdenti Qasym-Jomart Toqaevtyń bastamasymen 8-9 maýsymda elordada ótken kópjaqty mádenıetti jańartýǵa baǵyttalǵan jahandyq is–shara - Astana halyqaralyq forýmy týraly jazdy.
Forým álemniń túkpir-túkpirinen jınalǵan qatysýshylarǵa jahandyq syn-qaterlerdi sheshýge jáne jańa joldy belgileýge múmkindik beredi. Astana halyqaralyq forýmy sııaqty is-sharalar bizge qazirgi ýaqytta adamzat aldynda turǵan negizgi jahandyq syn-qaterlerdi qalaı eńserýge bolatynyn qarastyrýǵa múmkindik beretini týraly jazǵan.
Qazaqstan Astana halyqaralyq forýmy arqyly jahandyq beıbitshilik pen qaýipsizdikke úles qosýǵa úmittenedi.
Caspiannews.com:Qazaqstan Prezıdenti Germanııaǵa munaı jetkizýdi ulǵaıtý múmkindigi bar ekenin aıtty
3 maýsymda Caspiannews basylymy Ortalyq Azııa – Eýropalyq Odaq» basshylarynyń kezdesýinde Memleket basshysy Qasym-Jomart Toqaev Qazaqstan Germanııaǵa «Drýjba» qubyry arqyly munaı jetkizýdi arttyra alatynyn málim etkenin jazdy.
«Drýjba» qubyry - Reseıden Shyǵys jáne Ortalyq Eýropadaǵy ártúrli baǵyttarǵa sozylǵan álemdegi eń uzyn munaı qubyrlarynyń biri. Prezıdent bıyl Qazaqstan Germanııaǵa munaı jetkizýdi bastaǵanyna toqtalyp ótti.
«Jyl basynan beri 90 myń tonna kóleminde munaı jetkizildi. Bul kórsetkishti keleshekte ulǵaıtyp, jylyna 1,2 mıllıon tonnaǵa deıin jetkizý áleýeti bar»,-dedi Qasym-Jomart Toqaev.
Foto: akorda.kz
Modern diplomacy: Qazaqstan Astana halyqaralyq forýmy arqyly jahandyq beıbitshilik pen qaýipsizdikti qamtamasyz etýge óz úlesin qosady dep úmittenedi
8 maýsymda Modern diplomacy basylymy Eýrazııanyń qaq ortasynda ornalasqan Qazaqstan osy aptada adamzattyń halyqaralyq iri problemalaryn sheshýde tyǵyz yntymaqtastyqqa umtylatyn elderdi biriktirý maqsatynda Astana halyqaralyq forýmyn ótkizetini týraly jazdy.
Qazaqstannyń strategııalyq geografııalyq jaǵdaıy jáne dıplomatııalyq kópir retindegi bedeli onyń ártúrli elder men óńirlerdiń ókilderin biriktirý úshin óte qolaıly ekenin bildiredi. Saıyp kelgende, eger Astana halyqaralyq forýmy tabysqa jetse, ol álemge orta derjavalardyń halyqaralyq kún tártibinde mańyzdy oryn alatyn máselelerine yqpal ete alatynyn habarlady.
Trend.az: Qazaqstan Eýrazııadaǵy eń ozyq tsıfrlyq habtardyń birine aınalýdy maqsat etip otyr
8 maýsymda Trend.az basylymynda jarııalanǵan maqalada Qazaqstan Prezıdenti Qasym-Jomart Toqaev Astanadaǵy Sheteldik ınvestorlar keńesiniń 35-shi plenarlyq otyrysynda Qazaqstan Eýrazııadaǵy eń iri jáne eń ozyq tsıfrlyq habtardyń birine aınalýǵa nıetti ekenin aıtqanyn habarlady.
«Tsıfrlandyrý tutas elder men óńirlerdiń básekege qabilettiligin anyqtaýshy faktorǵa aınaldy. 2025 jylǵa qaraı álemdegi tsıfrlyq naryq 50 paıyzǵa artyp, 6,8 trıllıon dollarǵa jetedi dep boljanyp otyr», - dedi ol.
Prezıdent atap ótkendeı, boljam boıynsha 10 jylda álemdegi taýar óndirisi men kórsetiletin qyzmetterdiń 70 paıyzynda tsıfrlyq tehnologııalar qoldanylady.
«Bul úrdistiń Qazaqstan úshin asa mańyzdy ekenin anyq túsinemiz. Basqasha aıtqanda, tsıfrlandyrý biz úshin Ulttyq basymdyqqa aınaldy. Biz Eýrazııadaǵy eń iri jáne eń ozyq tsıfrlyq habtardyń biri bolýǵa nıettimiz», - dep atap ótti ol.
Sondaı-aq, Toqaev jaqynda Qazaqstanda Ortalyq Azııanyń turaqty damýy úshin BUU-nyń tsıfrlyq sheshimder ortalyǵyn qurýdy 62 el biraýyzdan qoldaǵanyn atap ótti.
The Times of Central Asia:Frantsııanyń Alstom kompanııasy Qazaqstanda óndiristi damytýdy josparlap otyr
The times of Central Asia QR Premer-Mınıstri Álıhan Smaıylov pen Afrıka, Taıaý Shyǵys jáne Ortalyq Azııa elderindegi Alstom frantsýz ınjınırıngtik kompanııasynyń prezıdenti Endrıý DeLeone kompanııanyń Qazaqstandaǵy qyzmetin keńeıtýdi talqylaǵanyn habarlady.
«Úkimet tarapynan qoldaýdyń negizgi faktory – óndiristi lokalızatsııalaý deńgeıiniń joǵary bolýy. Biz Alstom kompanııasynyń elektrovozdardyń quramdas bólshekterin óndirý jáne qyzmet kórsetý ortalyqtaryn qurý arqyly jumys aıasyn keńeıtý nıetin qoldaımyz. Bul rette qazaqstandyq kásiporyndardy tarta otyryp, tolyq tsıklmen jáne joǵary lokalızatsııalaý deńgeıimen tolyqqandy óndiris qurý máselesin qarastyrýdy usynamyz. Óz tarapymyzdan biz jańa ınvestıtsııalyq jobalardy iske asyrý boıynsha járdem kórsetýge daıynbyz»,-dedi QR Premer-Mınıstri.
Foto: primeminister.kz
Premer-Mınıstrdiń aıtýynsha, kompanııa quzyrettilik ortalyq retinde de qyzmetin damytýda, nátıjesinde bizdiń elimizde biliktiligi joǵary ınjenerlerdiń jańa býyny qalyptasyp keledi. Qazaqstan Úkimeti Alstom kompanııasymen uzaq merzimdi yntymaqtastyqty jalǵastyrýǵa daıyn ekenin málimdedi.
Edition.cnn:Qazaqstan nege kúrdeli geosaıası landshaftqa tap bolǵany jaıly dep beınejazba jarııalandy
Beınejazbada CNN júrgizýshisi Rıchard Kvest Qazaqstannyń nege osyndaı kúrdeli geosaıası jaǵdaılarǵa tap bolǵanyn túsindiredi.
Jýrnalıst Astananyń tarıhyna jáne onyń ekonomıkasyn ártaraptandyrýǵa baǵyttalǵan eldiń kúsh-jigerine tereńirek úńiledi.
«Qazaqstan - keń baıtaq terrıtorııasy bar, biraq teńizge shyǵa almaıtyn el. Bir jaǵynda Qytaı, ekinshi jaǵynda Reseı. Jetkizý jelileri óte qıyn», - dedi ol.
Agenzianova.com:Toqaev Astana forýmyn ashyp, 2026 jyly BUU-nyń klımattyq sammıtin ótkizýdi usyndy
8 maýsymda Agenzia Nova baspasy Astana halyqaralyq forýmy (Aif) eń aldymen ekologııaǵa áser etetin syn-qaterlerge qarsy turý úshin birlesip jumys isteýdiń naqty múmkindigi ekenine toqtaldy.
Sonymen qatar Qazaqstan Birikken Ulttar Uıymynyń qoldaýymen 2026 jyly klımattyń ózgerýi jónindegi kelesi óńirlik sammıtti ótkizýge nıetti. Bul týraly Qazaqstan Prezıdenti Qasym-Jomart Toqaev forýmdaǵy kirispe sózinde málimdedi, dep jazady basylym.
