Sheteldik áriptesterimniń kóbi Konstıtýtsııa kúni Qazaqstanda erekshe toılanatynyn aıtady - I.Rogov
«Qyzmet babymen sheteldik áriptesterimmen kezdesken kezde, olar únemi Memleket basshysynyń, Qazaqstannyń Konstıtýtsııaǵa degen erekshe qurmetin aıtyp, tamsanady. Kóbiniń aıtýynsha, Konstıtýtsııa kúnin jyl saıyn erekshe atap ótetin elder az. Onyń ústine, jyl saıyn Konstıtýtsııa kúni qarsańynda Halyqaralyq ǵylymı konferentsııa uıymdastyramyz. Qatysýshy taraptar osy konferentsııany turaqty konstıtýtsııalyq forýmǵa aınaldyrý týraly usynystaryn aıtyp jatyr», - deıdi I.Rogov.
Konstıtýtsııalyq keńestiń tóraǵasy atap ótkendeı, Ata Zańymyzdyń 20 jyldyǵy memleket pen qoǵamnyń osy ýaqytqa deıingi damýyn oı eleginen ótkizetin data.
«Qazaqstan Respýblıkasy Konstıtýtsııasynyń 20 jyldyǵy - memleket pen qoǵamnyń osy ýaqytqa deıingi damýyn, damý barysynda zańyn qalaı jetildirip, qandaı tıimdi tetikter tapqanyn saralaıtyn sát», - dep túıindedi sózin I.Rogov.