Shetelden jetkizilgen dári-dármek tyńǵylyqty tekseriledi — DSM
ASTANA.KAZINFORM — Qazaqstanǵa jetkiziletin dárilik preparattarǵa tolyq saraptama jasalady. Bul týraly Kazinform agenttiginiń BIZDIÑ ORTA podkastynda Densaýlyq saqtaý vıtse-mınıstri Erbol Ospanov málim etti.
Sonymen qatar ol elge resmı túrde jetkiziletin dári-dármektiń basym bóligi shetelden keletinin aıtty. Olardyń barlyǵy tıisti tekserýden ótedi.
— Eger dári-dármekti shetelde jeke ózińizge alsańyz, muny memleket baqylamaıdy. Shekteýli preparattar bolsa, ony keden qyzmeti kóredi, ıaǵnı psıhotropty zattar tasymaldanýy múmkin, — dedi Erbol Ospanov.
Onyń aıtýynsha, adamdardyń júrek aýrýyna nemese onkologııaǵa tıisti preparattardy shetelde satyp alýyna shekteý joq.
— Al alypsatarlyq maqsattaǵy áreketter zańǵa qaıshy. Ony quzyretti organdar baqylaıdy. Biraq resmı túrde Qazaqstanǵa jetkiziletin dáriler bar. Ony dıstrıbıýtor mindetti túrde tirkeıdi. Bul turǵyda arnaıy memlekettik mekeme saraptama jasap, preparattyń quramyn zertteıdi, óndirýshiniń zaýyttan tıisti qujattardy aldyrtady, — dedi vıtse-mınıstr.
Budan buryn habarlanǵandaı, elde otandyq dári-dármek úlesin 50 paıyzǵa jetkizý úshin 7 joba qarastyrylyp jatyr.
2024 jyly bul kórsetkish 15 paıyz bolǵan.