Shetelde zańsyz eńbek etken qazaqstandyqtarǵa sanktsııalyq shara qoldanylady
ASTANA. KAZINFORM – Qazaqstan Ońtústik Koreıaǵa jumysqa zańsyz baratyndar aǵynyn qalaı toqtatpaq? Bul saýalǵa Eńbek jáne halyqty áleýmettik qorǵaý vıtse-mınıstri Oljas Anafın jaýap berdi.
- Atalǵan másele boıynsha mınıstrlik biraz jumys istedi. Syrtqy ister mınıstrligimen birlesip Ońtústik Koreıa tarapymen memorandým jasasý jóninde kelissóz júrgizilip jatyr. Jaqynda ǵana kezdesý ótip, Qazaqstannyń EPS platformasyna qosylý múmkindigi talqylandy. Bul eńbek mıgranttaryna ruqsat berý júıesi, qazir Ońtústik Koreıa tarapynan resmı jaýapty kútip otyrmyz,- dedi Oljas Anafın ortalyq kommýnıkatsııalar qyzmeti alańynda ótken baspasóz máslıhatynda.
Sondaı-aq Eńbek mınıstriniń orynbasary Qazaqstannan shetelge zańsyz barǵan jumysshylar kóshi-qon aǵyny júıesi arqyly baqylaýda bolatynyn aıtyp otyr.
- Shetelde 183 kúnnen artyq júrgen barlyq azamatty tirkeımiz, eger basqa memleket aýmaǵynda zańsyz júrgeni rastalsa, olarǵa sanktsııalyq shara qoldanylady. Konsýldyqta bizdiń azamattarmen tikeleı jumys isteıtin polıtsııa attasheleri bar,- deıdi ol.
Eske sala keteıik, qazaqstandyqtardyń Ońtústik Koreıada zańdy jumys isteý máselesi burynnan kóterilip keledi.