Shetel týrısterin tartatyn otandyq operatorlarǵa sýbsıdııa tólenedi

NUR-SULTAN. QazAqparat – Memleket elimizge syrttan keletin týrısterdi tartýmen aınalysatyn sala operatorlarynyń qyzmetin sýbsıdııalaıdy. Sonymen qatar týrıstik nysandardy salý jáne jóndeý shyǵyny óteledi. Bul týraly Kazakh Tourism AQ ulttyq kompanııasynyń basqarma tóraǵasy Talǵat Amanbaev málim etti, dep habarlaıdy QazAqparat tilshisi.

«Іshki týrızmdi yntalandyrý maqsatynda memlekettik qoldaý sharalary qarastyrylǵan zańnama kúshine endi. Atap aıtqanda, sheteldik týrısterdi tartatyn sala operatorlarynyń qyzmetin sýbsıdııalaý, týrıstik nysandar men jol boıyndaǵy týrısterge qyzmet kórsetý beketterdi salý jáne jóndeý shyǵyndaryn óteý. Sonymen qatar sanıtarlyq-gıgıenalyq toraptardy kútip-ustaýdy sýbsıdııalaý jáne týrıstik avtobýstar satyp alý shyǵyndaryn óteý. Odan bólek, taý shańǵysy kýrorttaryna arnalǵan tehnıka men qural-jabdyq satyp alý shyǵyndaryn óteýde memleket kórsetetin qoldaý qataryna kirip otyr», - dedi Talǵat Amanbaev.

Ulttyq kompanııa basshysy balalardyń da nazardan tys qalmaıtynyn jetkizdi. ıAǵnı týrpaket quramyndaǵy balalar avıabıleti (Kids Go Free) sýbsıdııalanady.

Sondaı-aq, otandyq jáne sheteldik týrıster úshin Qazaqstanda saıahattaýǵa turarlyq jerlerkeńes berildi.

«Qalyptasqan dástúrge saı elimizde týrıster jyl saıyn keletin qutty oryndar barshylyq. Mysaly, elorda. Nur-Sultan – qalalyq týrızm aımaǵy, Almaty – shańǵy jáne ekologııalyq týrızmniń mekeni. Elimizdiń soltústiginde kóbinese Reseıden keletin týrıster úshin eń aldymen Býrabaı-Şýche, Imantaý-Shalqar, Baıanaýyl jáne Balqash kýrorttyq aımaqtary qoljetimdi ári suranysqa ıe. Sheteldik týrıster úshin óte qyzyqty bolatyn aımaqtar qataryna Aqtaý kýrorttyq aımaǵy men Túrkistan qalasy men oblysynyń týrıstik múmkindikteri de bar. Sońǵy jyldary bul óńirlerde aýqymdy týrıstik jobalar júzege asqany belgili», - deıdi ol.

Odan bólek, Kazakh Tourism basshysy otandyq týrıstik kompanııalar jańa maýsymǵa daıyn ba degen saýalǵa jaýap berdi.

«Bıylǵy maýsym ishki týrızmge jańa dem bermek. 2 jylǵa sozylǵan pandemııa atalǵan salaǵa aýyr tıdi. Osy oraıda bıyl otandyq týrıstik bıznes ókilderine artylatyn úmit joǵary. Búginde jańa týrıstik maýsymǵa daıyndyq belsendi túrde júrip jatyr. Sóz oraı kelgende, bizdiń kompanııa tarapynan týrıstik sala ókilderiniń kásibı bilimin jetildirý jobasynyń jalǵasatynyn habarlaımyz», - dedi T. Amanbaev.

Buǵan deıin endi qurylǵan Abaı, Ulytaý jáne Jetisý oblystarynda jańa týrıstik baǵyttardyń ashylatynyn habarlaǵan edik.

Aıta ketsek, ishki týrızm boıynsha rekordtyq kórsetkish ornaǵany aıtyldy.