Shet memleketter EAEO-men seriktestikke qyzyǵýshylyq tanytyp otyr
II Eýrazııalyq ekonomıkalyq forým alańynda jýrnalıstermen kezdesken Eýrazııalyq ekonomıkalyq komıssııa alqasynyń tóraǵasy Mıhaıl Mıasnıkovıch osyndaı pikir bildirdi, dep habarlaıdy QazAqparat tilshisi.
Ol forýmǵa 51 memlekettiń ókilderi qatysyp jatqanyn eske saldy, olardyń qatarynda memlekettik organdardyń qyzmetkerleri, kásipkerler men BAQ qyzmetkerleri bar.
«Shet elderdiń Eýrazııalyq odaqqa degen qyzyǵýshylyǵy áli de joǵary. Indonezııadan kelgen delegatsııa shamamen úsh júz adamnan turady. Bul alyp memlekettiń bizge degen qyzyǵýshylyǵynyń úlken ekenin kórsetedi», - dedi M.Mıasnıkovıch.
«Biz forýmǵa qatysýshylar ózekti máselelerdi talqylap, ózara is-qımyldyń bolashaq perspektıvalaryn qarastyrady degen oıdamyz», - dep túıindedi ol.
24-25 mamyrda Máskeýde ІІ Eýrazııalyq ekonomıkalyq forým ótip jatyr. Shara EAEO-ǵa múshe memleketter basshylarynyń qatysýymen ótetin Joǵary Eýrazııalyq ekonomıkalyq keńestiń otyrysyna oraılastyrylyp otyr.
Osyǵan deıin Máskeýde II Eýrazııalyq ekonomıkalyq forým bastalǵanyn jazǵan edik.
Narymbek Ysmaǵulov