Sherzat isi boıynsha sot otyrysy bastaldy

TALDYQORǴAN. KAZINFORM - Ótken sot otyrysy 18 sáýir kúni boldy.

Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵımaratynda Sherzat Polattyń ólimine baılanysty kezekti sot otyrysy ótip jatyr. Іs boıynsha 9 aıyptalýshy bar.

Sot otyrysyn Joǵary sottyń Youtube arnasynan tikeleı efırde kórýge bolady.

Eske salaıyq, sýdıa Erjan Januzaqovtyń bekitýimen kelesi sot otyrystary 29 sáýir, 5-6 mamyr saǵat 10:00-de ótedi.

Buǵan deıin sotta Sherzattyń ákesi Qarjaýbaı Nurymov ol kıkiljiń qalaı bastalǵanyn aıtqan edi.

Sondaı-aq Qarjaýbaı Nurymov Sherzattyń qashan jan tapsyrǵanyn aıtty.

Sherzattyń anasy Gúlbara Beıshembıeva da qaıǵyly oqıǵa qalaı bolǵanyn eske aldy.

Eske salaıyq, prokýror oqıǵanyń tolyq hronologııasyn baıandady.

Aıyptalýshylardyń kópshiligi kináni moıyndaǵan joq.

Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik.

2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.

2024 jyldyń jeltoqsan aıynda Talǵar mańynda Sherzat Polattyń aǵasy óli tabyldy.

Bıyl aqpan aıynda Sherzat isine qatysty qylmysty tergeý aıaqtaldy. Qylmystyq is 62 tomnan turady. Tergeý barysynda 40 sot saraptamasy júrgizilip, shamamen 200 kýágerden jaýap alynǵan.