Sherzat Polattyń otbasy demeýshilerdiń kómegimen jańa baspanaǵa kóshedi
QONAEV. KAZINFORM - Sherzat Polattyń otbasyna jańa úı salynyp jatyr.
Bul týraly atyshýly iste jábirlenýshi taraptyń qorǵaýshysy bolǵan Meıirman Shekeev aıtty.
Onyń sózinshe, úı qurylysyn demeýshi qarjylandyrǵan.
- Asqar esimdi azamat Qarjaýbaıdyń úıin salysyp jatqanyn jarııalaǵysy kelmegen. Mine, batyr. Dese de, halyq óz batyryn bilýi kerek. Al Almaty oblysy ákimdigi osy qurylysty barynsha qadaǵalap, qujattaryn rásimdep, aıaǵyna deıin jetkizip berýge ýáde berdi, - dep jazdy ol.
Eske salaıyq, byltyr 4 qazan kúni tóbelesten 16 jastaǵy Sherzat Polat qaza tapty.
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
Jaqynda prokýratýra Sherzattyń ákesiniń úıi órtenýine baılanysty tergeý ázirge toqtap turǵanyn habarlady.