Sherýbaı batyr eskertkishi qalpyna keltirildi - Qaraǵandy oblysy

QARAǴANDY. QazAqparat – Qaraǵandy oblysynda pedagogtar men qoǵam belsendileri Sherýbaı batyrǵa arnalǵan eskertkishti jóndedi. Aktsııaǵa qatysýshylar sonymen qatar onyń mańyn abattandyrdy, dep habarlaıdy QazAqparat tilshisi.

Topar kentindegi «Jastar Alıansy» QB eriktileri men Abaı atyndaǵy jalpy bilim beretin mektep pedagogtarynyń kúshimen Sherýbaı batyrǵa eskertkish ornatyldy.

Nysandy qalpyna keltirýge 15 adam qatysty.

«Estelik belgi uzaq jyldar boıy nashar kúıde boldy. Bizdiń klımat, temperatýralyq rejımniń ózgerýi de óz áserin tıgizdi. Sondaı-aq eskertkishtiń aınalasynda turmystyq qaldyqtar úıindisi paıda boldy. Bul jerge eshkim kóńil bólmedi, sondyqtan biz nysandy qalpyna keltirip, irgeles aýmaqty tazartýdy

sheshtik. Bul bizdiń tarıhymyz ǵoı», – dep atap ótti «Jastar Alıansy» QB basshysy Temirlan Kákenov.

Aktsııaǵa qatysýshylar qorshaýdy, qalqan men naızany boıap qana qoımaı, eskertkishtiń ózi ornatylǵan irgetasty nyǵaıtty.