Sheneýnikter depýtat Baqytjan Ábdiraıymnyń namysyna tıdi
Aıta keteıik, QR Іshki ister mınıstri Qalmuhanbet Qasymov bas bostandyǵynan aıyrý oryndarynan bosatylǵan jáne probatsııa qyzmetinde esepte turǵan azamattardy áleýmettik ońaltýdyń 2017-2019 jyldarǵa arnalǵan keshendi strategııasyn iske asyrý taqyrybyndaǵy Úkimet saǵatynda baıandama jasaǵan bolatyn.
«Búgingi bizdiń talqylap jatqan taqyryptyń óte mańyzdy ári ózekti ekeni belgili. Biraq budan da zor bir máselege biz búgin jaýap tappadyq, qurmetti áriptester! Sondyqtan bul jaıt meniń kóńilime, namysyma qatty tıdi. Atap aıtqanda, qazaq tilindegi, ıaǵnı memlekettik tilde qoıylǵan 12 suraqtyń 11-ine orys tilinde jaýap berildi. Kim jaýap berdi? Myna jerde otyrǵan ákimniń orynbasary, Eńbek jáne halyqty áleýmettik qorǵaý mınıstriniń orynbasary, olar kimmen jumys isteıdi? Halyqpen jumys isteıdi. Olar qazaq tilinde jaýap bermese, onda qalaı bolmaq? Ekinshiden, Elbasy keshe ǵana óziniń maqalasynda tikeleı aıtyp ketti ǵoı, memlekettik tildi qurmetteý táýelsizdikti qurmetteý dep. Mine, basynan aıaǵyna deıin Úkimet saǵatyn Vladımır Karpovıch (Májilis tóraǵasynyń orynbasary Bojko - avt.) qazaq tilinde júrgizip jatyr. Depýtat Maggeramov myrza taza qazaq tilinde oqydy, bizdiń Snejana Imasheva degen qaryndasymyz qazaq tilinde sóıleıdi, al Shıpovskıh bizden jaqsy qazaq tilin meńgergen», - dedi Baqytjan Ábdiraıym.
Osy oraıda depýtat memlekettik tilde suraq qoıylsa, sol tilde jaýap berilýi qajettigin qadap aıtty.
«Biz buǵan qazir shekteý qoımasaq, osylaı jalǵasa beredi. Sol sebepten meniń ótinishim, bolashaqta bizge keletin laýazymdy qyzmetkerler memlekettik tilde suraq qoıylsa, sol tilde jaýap berýge tyryssyn», - dep túıindedi sózin B. Ábdiraıym.
