Shekarashylardyń jalaqysyn kóterý kerek – depýtat
Májilis depýtaty Oljas Quspekov lagerge kelýdegi negizgi úsh maqsat jaıly aıtty.
«Parlament Májilisinde áskerılerge qatysty túrli zańdar qabyldanyp jatady, sol sebepti áskerılerge qatysty durys zańdar qabyldansyn, áskerılerdiń tirshiligin óz kózimizben kóreıik degen maqsatpen, ekinshiden, qazir jastar áskerge barǵysy kelmeıdi. Sonyń sebebin bilý, múmkin áskerı ortada olarǵa, ata-analaryna úreı týdyratyn máseleler bar ma, sony zertteý maqsatynda keldik. Úshinshiden, áskerılerdiń materıaldyq-tehnıkalyq jaǵynan qamtamasyz etilýi, olardyń tamaqtanýy, kıim-keshegi, basqa da máselelerin bilýge keldik», - deıdi ol.
Onyń aıtýynsha, qazirgi jastar materıaldyq qundylyqtardy kóp oılaıdy.
«Qazir jastar áskerge barǵysy kelmeıdi. Olardan «Áskerge nege barmaısyń?» dep surasań, «Ásker maǵan ne beredi?» dep ózińe suraq qoıady. ıAǵnı, olarǵa jeke bastyń paıdasy bolmasa, áskerge de barǵysy kelmeıdi. ıAǵnı, qazir olar materıaldyq qundylyqty kóp oılaıdy. Sol sebepti jastar arasynda áskerı patrıottyq tárbıege úlken kóńil bólip, ony júıeli túrde qolǵa alýymyz kerek dep oılaımyn», - deıdi depýtat Oljas Quspekov.
Halyq qalaýlysy Maksım Rojın 40 jasqa kelgen, kabınetten shyqpaǵan azamattarǵa munda jas jigitterge ilesip, áskerı daıyndyqtan ótý ońaıǵa soqpaıtynyn aıtty.
«Namysqa salyp tyrysyp jatyrmyz. Sebebi bul azamattar kúndelikti fızıkalyq, taktıkalyq, teorııalyq daıyndyqtan ótedi. Bizdiń maqsat – olardyń áskerı ómiri qalaı ótip jatyr, qandaı máseleleri bar, solardy bilý úshin keldik. Munda osy lagerden bólek, «Alma-Arasan» shekara bólimshesi bar. Biz onyń da ómirimen tanystyq. Jalpy, memleket tarapynan eldiń qorǵanys salasyna úlken kóńil bólingen durys dep oılaımyn. Sebebi ýaqyt talaby solaı. Aldaǵy ýaqytta biz osynda kórgen, bilgen, jazyp alǵan máselelerdi Májiliste mindetti túrde kóteretin bolamyz», - deıdi Maksım Rojın.
Depýtat óziniń ofıtserlik «leıtenant» shenin qalaı alǵanyn aıtty.
«Men Ońtústik Qazaqstan memlekettik ýnıversıtetinde oqyp bitirdim. Onda áskerı kafedrada oqydym. Sonda áskerı ant qabyldap, áskerı jıynǵa qatystym. Osylaısha «zapastaǵy leıtenant» atandym. Men negizi motoatqyshpyn. Áriptesim Samat Nurtaza da ýnıversıtet qabyrǵasynda júrip, áskerı kafedrany bitirgen. Ol da «leıtenant», - dedi depýtat.
Parlament Májilisiniń depýtaty Samat Nurtaza shekarashylardyń jalaqysy az ekenin aıtty. «Shekarashylardyń jalaqysyn kóterý kerek degen pikirim bar. Olar memleket tarapynan jaqsy jalaqy alýǵa laıyqty. Sebebi búgingi álemde jaǵdaı tynysh emes. Bul rette shekarashylardyń róli joǵary. Qudaı betin ary qylsyn, eger jaý kelse, olarmen alǵash kezdesetin shekarashylar. Iá, bizdiń shekarashylardyń jaǵdaıy kórshi qyrǵyz, ózbek, túrkimen, tájik elderiniń sarbazdarynan áldeqaıda jaqsy, degenmen arqany keńge salyp qoıýǵa bolmaıdy, áli damý kerek. Sondaı-aq men Qazaqstannyń árbir shekara bólimshesinde dron bolýy qajet dep oılaımyn. Ókinishke qaraı, alys shekara bólimshelerinde dron joq. Sondyqtan óz basym Parlamentte dron máselesin kótergeli otyrmyn», - dedi Samat Nurtaza.
Ol sondaı-aq bolashaq shekarashylardy da qoldaǵan jón ekenin aıtty.
«Munda 2003 jyly týǵan jas jigitter júr. Kózderinde oty bar patrıot azamattar. Olardy qoldaý kerek. Sebebi olar qoldaryn siltep, osy abyroıly qyzmetten bas tartyp ketse, mysaly, bızneske nemese basqa salaǵa ketip qalsa, myna baıtaq jerdi kim qorǵaıdy? Bilýimshe, elimizdiń shekarasynyń uzyndyǵy – 15 myń shaqyrym. Ony 40 myń shekarashy qorǵaıdy. Meniń oıymsha, bul shekarashylardyń sany áli az. Sondyqtan máseleler bar. Biz 4 depýtat qazir osyndaı máselelerdi jınap jatyrmyz. Olardy qyrkúıek aıynda Májiliste kóteremiz. Sebebi biz sarbazdardyń aldynda ýáde berdik, olardy oryndaımyz», - dedi depýtat.
Samat Nurtazanyń aıtýynsha, aldaǵy kúnderi Maksım Rojın ekeýi Jambyl oblysymen shektesetin Qyrǵyzstan shekarasyna, Oljas Quspekov pen Bolat Kerimbekov Jetisý oblysymen shektesetin Qytaı shekarasyna jolǵa shyǵady.
Aıta keteıik, depýtattardyń áskerı daıyndyǵy 16-31 shilde aralyǵyna josparlanǵan. Alǵashqy bes kúnde olar dalada oqý-jattyǵýdan ótip, UQK Shekara akademııasynyń kýrsanttarymen birge praktıkalyq jattyǵýlarǵa qatysady. Qalǵan kúnderi eki topqa bólinip, Qytaı men Qyrǵyzstan shekaralaryna baryp, shekara bólimsheleriniń, shekaralyq baqylaý basqarmalarynyń, baqylaý-ótkizý beketteriniń jáne t.b jumysyn zertteıtin bolady.
Áskerı qyzmetshilermen birge shekara narıady, baqylaý-ótkizý pýnktterindegi tekserýlerge, taktıkalyq daıyndyq jáne t.b. qatysady.
Buǵan deıin Májilis depýtattary Almaty oblysynyń taýly aımaǵyndaǵy lagerde shekarashylarmen birge daıyndyqtan ótip jatqanyn jazǵan edik. Keıin depýtattar áskerılerdiń kún tártibi týraly oı bólisti.
