Shekarashylar «Tuńǵysh Prezıdent kúnin» atap ótti
ASTANA. QazAqparat - Shekara qyzmetiniń barlyq birlestikterinde, quramalarynda jáne áskerı bólimderinde «Tuńǵysh Prezıdent kúni» merekesine arnalǵan saltanatty jınalys bolyp ótti, dep habarlady QR Ulttyq qaýipsizdik qyzmetiniń baspasóz qyzmetinen.
Qazaqstan Respýblıkasy Ulttyq qaýipsizdik komıteti Shekara qyzmeti dırektorynyń orynbasary polkovnık Muhtar Sábıdoldanov Shekara qyzmetiniń ortalyq apparatyndaǵy saltanatty jınalysty asha otyryp, «Tuńǵysh Prezıdent kúni» merekesiniń qysqasha tarıhyna toqtalyp ótti. Sonaý 1991 jyly elimizde jalpyhalyqtyq saılaý ótip, onyń qorytyndysy boıynsha táýelsiz Qazaqstannyń tuńǵysh Prezıdenti saılandy. Memleket basshysy táýelsiz Qazaqstan memleketiniń negizin qalap, qazirgi ýaqytqa deıin elimizdiń demokratııalyq, zaıyrly, quqyqtyq jáne áleýmettik memleket bolyp qalyptasýyna úles qosyp keledi.
Búgingi mereke kezinde Otan shebin qorǵaýshylar gramotalarmen, alǵys hattarmen, sondaı-aq Shekara qyzmetiniń logotıpi beınelengen baǵaly syılyq - qolsaǵattarymen marapattaldy. - Elimizde bolyp jatqan barlyq ósip-órkendeý úrdisi memlekettik shekaranyń senimdi qorǵalýyna baılanysty ekendigi sózsiz. Shekaranyń oıdaǵydaı qorǵalýyna eń aldymen memleket basshysy úlken kóńil bólýde, Prezıdent tapsyrmasyn oryndaý maqsatynda biz shekara shebin jańǵyrtyp, onyń pármendiligin arttyrý ústindemiz, - dedi Shekara vedomstvosy dırektorynyń orynbasary.
