Shekarashylar eki aıda Kaspıı teńizinen 45 brakonerdi ustady

AQTAÝ. QazAqparat - Shekarashylar eki aıda Kaspıı teńizinen 23 júzý quralyna mingen 45 quqyq buzýshyny ustady, dep habarlaıdy QazAqparat Ulttyq qaýipsizdik komıtetine silteme jasap.

Jaǵalaý kúzetiniń shekara kemeleriniń ekıpajdary Kaspıı teńiziniń akvatorııasyndaǵy júzýdiń qolaıly rejımin saqtaý, brakonerlik qylmystardyń jolyn kesý jáne sý bıologııalyq resýrstaryn qorǵaý boıynsha turaqty negizde jedel aldyn alý sharalaryn júrgizedi.

Aýmaqtyq sý rejıminiń negizgi buzýshylary - sheteldik jáne qazaqstandyq brakonerler.

Olar óz áreketi barysynda jyldam júzetin júzý quraldaryn paıdalanady.

Tek eki aı ishinde (2021 jylǵy jeltoqsannan 2022 jylǵy qańtarǵa deıin) shekarashylar teńizde 23 júzý quralyna mingen 45 quqyq buzýshyny ustady.

73 km -den astam brakonerlik kásip quraldary (balyq aýlaý torlary) alyndy, teńizge 1 905 bekire tuqymdas (373) jáne usaq balyq (1 532) jiberildi.

1 mln 130 myń teńge kóleminde aıyppul salyndy.

Memleketke keletin 575 mln teńgeden astam somadaǵy ekonomıkalyq zalaldyń aldy alyndy.