Shekaradaǵy aýdandardy qaıta qurý qajet – Erlan Saırov

NUR-SULTAN. QazAqparat – Erlan Saırov jýrnalısterge Ulttyq qoǵamdyq senim keńesine qala múshe bolǵanyn aıtyp berdi, dep habarlaıdy QazAqparat tilshisi.

BAQ ókilderiniń Ulttyq keńes quramyna qatysty saýaldaryna jaýap bergen Erlan Saırov uıymǵa óziniń qalaı múshe bolǵanyn aıtyp berdi.

«Jeke maǵan Ulttyq keńes týraly Jarlyq shyǵardan eki kún buryn Prezıdent keńesshisi habarlasyp, usynys aıtty. Men usynysty qabyldaı otyryp, ózimniń tórt másele boıynsha ustanymymdy aıttym. Olardyń ishinde saılaý, mıtıngter, saıası partııalar jáne BAQ týraly zańdardy boıynsha fýndamentaldy usynystar bar», - dedi ol.

Sarapshy shekaradaǵy aýdandardyń jaǵdaıyn jaqsartý úshin Ulttyq keńes aıasynda qandaı usynystardy memleket aldyna qoıatynyn da aıtty.

«Tarıhtan belgili bir zańdylyq bar. Shekarany shekarashylar ǵana emes, jergilikti halyq ta kúzetýi kerek. Sonda ǵana ol shegendi bolady. Shyǵystaǵy Katonqaraǵaı, Marqakól, Tarbaǵataı, Maqanshy óńirlerinen el údere kóship ketken. Mysaly burynǵy Marqakól aýdanynda osydan 30 jyl buryn 27 myń adam turǵan. Qazir tek 6 myń adam qalǵan. Muny gýmanıtarlyq problema dep te ataýǵa bolady. Dál osyndaı problema Almaty oblysynda da bar. Bul máseleni sheshý úshin kezinde qysqaryp qalǵan aýdandardy qaıta qurý qajet. Sodan keıin shekaralyq aımaqtardy damytý jónindegi memlekettik baǵdarlama jasaý kerek. Bul óte mańyzdy. Ulttyq keńeste bul másele de talqylanatyn bolady», - dedi Erlan Saıyrov.

Foto: Mýhtar Holdorbekov