Shekarada ózge eldiń azamattyǵy bar jeti qazaqstandyq ustaldy

ASTANA. KAZINFORM – 2024 jyldyń 14 men 16 qazanynda Ulttyq qaýipsizdik komıtetiniń Shekara qyzmeti memlekettik shekaradaǵy ótkizý pýnktterinde basqa memlekettiń azamattyǵy bar Qazaqstan Respýblıkasynyń jeti azamatyn ustady.

Bul týraly QR UQK baspasóz qyzmetinen málim boldy.

Ustalǵan adamdar odan ári qarý úshin polıtsııa organdaryna berildi.

Jyl basynan beri shekarashylar qos azamattyǵy bar 935 adamdy anyqtady.

«UQK Shekara qyzmeti QR zańnamasyna sáıkes ekinshi azamattyqtyń bolýy 200 AEK-ke deıin aıyppulmen nemese ákimshilik shyǵaryp jiberýmen jazalanatynyn eske salady», -delingen UQK baspasóz qyzmeti taratqan aqparatta.

Osyǵan deıin Qazaqstan men Qyrǵyzstan shekarasynda bir tonna sútti zańsyz ótkizbek bolǵany týraly jazdyq.