Shegirtkemen kúreske 7,1 mlrd teńge jumsalady
ASTANA. KAZINFORM – Bıyl 2 mln gektardan astam alqapqa shegirtke taralýy múmkin. Bul týraly Ortalyq kommýnıkatsııalar qyzmetindegi brıfıngte Aýyl sharýashylyǵy vıtse-mınıstri Ermek Kenjehanuly aıtty.
- 2025 jyly 2,1 mln gektar alańda úıirli shegirtke tektes zııankesterdiń taralýy boljanyp otyr. Bul ótken jylmen salystyrǵanda 1 mln gektarǵa tómen. Zııankestermen kúresý úshin respýblıkalyq bıýdjetten 7,1 mlrd teńge bólindi. Zertteý is-sharalaryn ótkizýge shamamen 4 625 adam tartylatyn bolady. Bul ótken jylmen salystyrǵanda zertteý is-sharalaryna tartylatyn adamdardyń sanyn 2 esege arttyrýǵa múmkindik beredi, - dedi ol.
Vıtse-mınıstrdiń dereginshe, úıirli shegirtkelerge qarsy 443 arnaıy búrkigish tehnıkalar qoldanylady. Onyń ishinde 239 jerústi jeldetkish jáne shtangaly búrkigishter, 100 aerozoldi gaz generatorlar, 31 asa jeńil avıatsııa kemeleri, 24 ushaqtar, 49 pılotsyz avıatsııalyq júıe bar.
- Hımııalyq óńdeý kezinde ártúrli fıtosanıtarlyq jaǵdaıǵa beıimdelgen joǵary tıimdi pestıtsıdter qoldanylady. Barlyq oblystaǵy jergilikti jerlerde jumysty úılestirý úshin oblys ákimderiniń orynbasarlary basqaratyn jedel shtabtar qurylǵan, - dedi Ermek Kenjehanuly.
Osyǵan deıin habarlaǵanymyzdaı, SQO fermerleri «jasyl» aýyl sharýashylyǵyna bet burdy.