Shaıdyń paıdasy men zııanyn zerttegen aqtaýlyq oqýshy Reseıde úzdik atandy

AQTAÝ. QazAqparat - Aqtaý qalasy hımııa-bıologııa baǵytyndaǵy Nazarbaev Zııatkerlik mektebiniń 7-synyp oqýshysy Madına Ǵabdolla Sankt-Peterbýrg qalasynda ótken «Hımııa: ǵylym jáne óner» atty ІH halyqaralyq ǵylymı jobalar jáne olımpıada baıqaýynda top jardy, dep habarlaıdy QazAqparat tilshisi.

Baıqaýdyń qorytyndy kezeńinde jalpy 70 zertteý jumysy qorǵalǵan. Jas zııatker «Hımııadaǵy alǵashqy qadamdar» sektsııasynda jeńimpaz atandy. 7-synyp oqýshysy qazylar alqasynyń aldynda «Biz ishetin shaı» taqyrybyndaǵy zertteý jumysyn usyndy. Onyń aıtýynsha, ol hımııa páni muǵalimi Aıbar Murzabekovpen birge kúndelikti ómirde tutynatyn sháı túrleriniń quramyn zerttegen.

«Biz únemi shaıǵa qatysty «tym aşy eken», «shyǵymy jaqsy eken» ne bolmasa «dámi nashar eken» degen ártúrli pikirlerdi estip jatamyz. Biraq onyń quramynda ne bar, qandaı hımııalyq elementter kezdesedi, olar aǵzaǵa qanshalyqty zııan nemese paıdaly ekendigin oılanbaımyz. Sol sebepti onyń quramyn anyqtaýdy jón kórdik»,-deıdi oqýshynyń ǵylymı jetekshisi Aıbar Beıbituly.

Atalǵan taqyryptaǵy zertteý jumysy bıylǵy oqý jylynyń alǵashqy toqsanynda bastalǵan. Osy kúnge deıin birneshe zertteý jumystary júrgizilgen.

«Zertteý úshin biz shaıdyń 4 túrin aldyq (qara «Assam» shaıy, «Bayse» kók shaıy, «Prıntsessa ıAva» karkade jáne «Lipton» shaıy). Zertteý barysynda kofeın men tanın mólsherin anyqtaý úshin laboratorııalyq jumysyn júrgizdik. Nátıjesinde kofeın men tanınniń eń kóp mólsheri qara «Assam» shaıynan anyqtaldy», - deıdi joba jaıly Madına Ǵabdolla.

Jeńimpaz saraptama júrgize otyryp, kofege qaraǵanda shaıdyń paıdaly ekenin anyqtaǵan.

«Sebebi shaı quramyndaǵy kofeın adam aǵzasyna sińedi jáne ýlaný qaýpi tómen»,-deıdi ol.

Taǵy bir qyzyǵy, joba jetekshisimen birge Madına Tıbettiń keıbir óńirlerinde shaıdy qantpen emes, tuz qosyp ishetinin bilgen.

«Osylaısha, bolashaqta biz olardyń qant ornyna tuzdy nelikten qoldanatynyn jáne onyń adam aǵzasyna áserin baqylaımyz», - deıdi ol.

Sankt-Petebýrg qalasyndaǵy memlekettik tehnologııalyq ýnıversıtet pen D.I. Mendeleev atyndaǵy Reseı hımııalyq qoǵamynyń Sankt-Peterbýrg qalasyndaǵy bólimi halqyaralyq V.ıA. Kýrbatov atyndaǵy «Hımııa: ǵylym men óner» atty baıqaý-olımpıadasyn 2010 jyldan beri ótkizip keledi. Osy joly saıys Mendeleev elementteriniń perıodtyq júıesiniń ashylýyna 150 jyl tolý mereıtoıyna oraı uıymdastyryldy.