Shaıbaly hokkeıden «Aısulý» komandasy Qazaqstan chempıony atandy

ASTANA. KAZINFORM - Almatylyq «Aısulý» komandasy shaıbaly hokkeıden Qazaqstan chempıony atandy. Ońtústik astana namysyn qorǵaıtyn ujym óz tarıhynda 18-márte jeńis tuǵyrynan kórinip otyr.

Al astanalyq «Tomırıs» bıylǵy maýsymda chempıon komandaǵa laıyqty qarsylyq kórsetti. Nátıjesinde ekinshi orynǵa taban tiredi. Sondaı-aq, quramynda tek jergilikti óskemendik qyzdar jınaqtalǵan «Torpedo» klýby úzdik úshtikti túıindedi.

Eske salsaq, budan buryn shaıbaly hokkeıden Qazaqstan chempıonaty pleı-off satysynyń fınaly men úshinshi oryn saıysta qaı komandalardyń synǵa túsetini belgili boldy.

Bıyl bas júldeni Kókshetaýdyń «Arlan» jáne astanalyq «Nomad» klýbtary sarapqa salady.

Al qola júldege «Aqtóbe» jáne qaraǵandylyq «Saryarqa» klýbtary talasady.