Shavkat Mırzıeevtiń jarlyǵymen 21 qazan Ózbek tili merekesi kúni bolyp jarııalandy

TAShKENT-ÓzAA. QazAqparat – Ózbekstannyń Prezıdenti Shavkat Mırzııaevtiń jarlyǵymen 21 qazan «Ózbek tili merekesi» dep jarııalandy, dep habarlaıdy QazAqparat ÓzAA-ǵa silteme jasap.

Jańadan ashylǵan «Tashkent Sıtı» keshenindegi «Kongress Hollda» ózbek tiliniń memlkekettik til retinde qoldanylǵanyna otyz jyl tolýyna oraı ótken saltanatty mereıtoıda Memleket basshysy Shavkat Mırzıeev 21 qazan kúnin «Ózbek tili merekesi kúni» dep jarııalady.

Ózbekstan Prezıdenti tilge baılanysty ótken saltanatty is-sharada, elde memlekettik tildi damytýǵa baǵyttalǵan kúsh-jigerdiń qısyndy jalǵasy retinde taǵy bir mańyzdy qadam bastalǵanyn jetkizdi.

«Men búgin «Ózbek tiliniń memlekettik til retinde bedeli men mártebesin túbegeıli arttyrý týraly» Jarlyqqa qol qoıdym. Onda aıtylǵandaı «Memlekettik til jónindegi» zań qabyldanǵan kúniniń tarıhı orny men mańyzyna sáıkes, 21 qazan kúnin elimizde «Ózbek tili merekesi kúni» dep jarııalandy», -dedi óz sózinde Shavkat Mırzıeev.