Sharýalar jeńildetilgen lızıngpen 369 tehnıka satyp aldy
Aýyl sharýashylyǵy mınıstrliginiń málimetinshe, j eńildetilgen lızıng baǵdarlamasy iske asqan bir aı ishinde «QazAgroQarjy» AQ-ǵa 43,6 mlrd teńge somasyna 1089 birlik aýyl sharýashylyǵy tehnıkasyn satyp alýǵa ótinim túsken. Onyń ishinde 16,6 mlrd teńgege 369 tehnıka qarjylandyryldy.
«Jeńildikpen kredıt berý sharttary:
Lızıng merzimi - 10 jylǵa deıin;
Syıaqy mólsherlemesi - jyldyq 6 %-ben ;
Lızıng boıynsha bastapqy jarna (avans) - 0%;
Negizgi qaryzdy qaıtarý boıynsha jeńildikti kezeń - 1 jyl», - dep jazdy vedomstvodan.
Bir lızıng alýshyǵa qarjylandyrý somasy - 205 mln teńgeden jáne úsh aýyl sharýashylyǵy tehnıkasynan aspaıdy. Qarjylandyrý eki jyldyq kezeń ishinde bir-aq ret beriledi.
Eske sala keteıik, jeńildetilgen nesıe baǵdarlamasy 20 jylǵa eseptelgen jáne revolverlik sıpatqa ıe. Ony iske asyrý úshin 40 mlrd teńge bólingen, bul somaǵa Qazaqstanda jasalǵan 1000-ǵa jýyq aýyl sharýashylyǵy tehnıkasyn satyp alý josparlanyp otyr.