Sharýa qojalyqtary úshin jerge saralanǵan salyq salý josparlanady - A. Mamytbekov
Eske salaıyq, otyrysta jańa zańnama aıasyndaǵy agroónerkásip kesheni sýbektilerine salynatyn salyqtar máselesi talqylanǵan bolatyn.
Mınıstrdiń aıtýynsha, salyq kodeksine engizilgen sońǵy ózgerister aýyl sharýashylyǵy salasyndaǵy salyq saıasatyn birshama túzetip otyr. «Ózgeristerdiń basty quramdas bóligi - bul jer ıelený men jerdi paıdalanýǵa qatysty salyqtar. Bul másele eń aldymen salyqtyq júktemedegi jer salyǵynyń úlesi tym az ekenine negizdelgen bolatyn. Tipti jer salyǵynyń 70 paıyzdyq jeńildikterdi qosa alǵanda jer salyǵynyń úlesi ortasha alǵanda jarty paıyzdy quraıdy. Naqty sandarmen aıtsaq, bir gektar egistik alqapqa ortasha alǵanda myń teńge salyq tıedi, al onyń ishinde 7 teńge jer salyǵy. Al bul nege ákep soǵady? Jerdi tıimsiz paıdalanýshylar jer resýrstaryn ózderinde paıdalanbastan ustaı beredi, sosyn jerdi tıimsiz paıdalaný osydan týyndaıdy», - dep túsindiredi mınıstr A. Mamytbekov.
Onyń aıtýynsha, osyndaı olqylyqtyń saldarynan (salyqtyń azdyǵynan-avt.) jerge ınvestıtsııa salǵysy keletinder úshin jergilikti bılik qunarly, paıdaly jer ýchaskelerin usyna almaı otyr. Al sonymen bir mezgilde jer ıelerin tıimsiz paıdalanýshylar sýǵa, eldi mekenge jaqyn, joly bar jer ýchaskeleri qańyrap bos tur.
«Sondyqtan da, biz jerge qatysty saralanǵan salyq engizýdi quptaımyz», - dedi A. Mamytbekov.