Shardara aýdanynda jańa mektep paıdalanýǵa berildi

ShARDARA. QazAqparat – Qazaqstan Respýblıkasynyń Konstıtýtsııa kúnine oraı Túrkistan oblysynyń Shardara aýdanyna qarasty Munaıbaza aýylynda 60 oryndyq bastaýysh mektep el ıgiligine berildi. Jańadan salynǵan qos qabatty bilim oshaǵynyń qurylysyna jergilikti bıýdjetten 237 mln teńge bólingen, dep habarlaıdy QazAqparat tilshisi.

Bilim oshaǵynyń ashylý saltanatyna aýdan ákimi Qaırat Joldybaı qatysyp, kópshilikti QR Konstıtýtsııasy kúnimen quttyqtady. Mektep ujymy men oqýshylardy, sondaı-aq aýyl turǵyndaryn jańa mekteptiń ashylýymen de quttyqtap ótti.

Zamanýı úlgide salynǵan bilim uıasynda 7 synyp bólmesi, mýltımedııa kabıneti, sport zaly, ashanasy bar. Kabınetterde ystyq jáne sýyq sý aǵyp tur. Nysan beınebaqylaý kamerasymen qamtylǵan.

Qajetti qural jabdyqtarmen tolyq qamtylǵan mekteptiń salynǵanyna aýyl turǵyndary men mektep oqýshylary aıryqsha qýanyshqa keneldi.

Konstıtýtsııa kúnine arnalǵan saltanatty is-shara sondaı-aq, aýdandyq Mádenıet saraıynda jalǵasyn tapty. «Azat eldiń aıbyny – Ata zańy» taqyrybymen ótken merekelik jıynda aýdan ákimi Qaırat Joldybaı baıandama jasap, Ata zańymyzdyń mán-mańyzyna keńinen toqtalyp ótti. Munan soń ár salada jemisti qyzmet atqaryp júrgen azamattarǵa marapattaýlar tapsyryldy. Aýdandyq máslıhattyń hatshysy Bultbaı Mútálıev te merekelik lebizin bildirip, qyzmet babynda úzdik dep tanylǵan jandarǵa «Alǵys hattar» tapsyrdy. Merekelik jıyn kontserttik baǵdarlamamen jalǵasyn tapty