Shanhaıda Naýryz meıramy atap ótildi

ShANHAI. QazAqparat - Shanhaıda Qazaqstan, Tájikstan, Túrikmenstan, Reseı, Ýkraına jáne Qytaıdyń 300-ge jýyq azamaty - stýdentter, kásipkerler men dıplomattar, qazaq dıasporasynyń ókilderi Naýryz meıramyn toılady, dep habarlaıdy Qytaıdaǵy «QazAqparat» HAA menshikti tilshisi.

Іs-sharany Qytaıdaǵy Qazaqstan stýdentter qaýymdastyǵynyń Shanhaıdaǵy bólimi (KSAC) QR Bas konsýldyǵy men QR Bilim jáne ǵylym mınıstrligi «Halyqaralyq baǵdarlamalar ortalyǵynyń» Azııa men Tynyq muhıty jaǵalaýyndaǵy ókildiginiń qoldaýymen uıymdastyrdy.

Shanhaıdaǵy QR Bas konsýly Joshyhan Qyraýbaev jurtshylyqty Naýryz meıramymen quttyqtady. Sondaı-aq «Tusaý kesý» rásimine qatysyp, kishkentaı Aısha Jaǵparovanyń aıaǵyndaǵy ala jipti kesti.

Qazaqstandyq stýdentter kontsert uıymdastyrdy. Kórermenderge ánnen shashý shashylyp, kúı shertildi, teatrlandyrylǵan salt-dástúrler (betashar jáne t.b.) kórsetildi.

Qonaqtar arqan tartý, qyz qýý, qazaqsha kúres jáne taǵy basqa qazaq ulttyq oıyndaryn tamashalap, olarǵa ózderi de qatysty. Naýryz kóje, palaý, baýyrsaqtardan dám tatty.