Shalqar kóline kólikpen kirgen júrgizýshi aıyppul arqalady

ORAL. QazAqparat – Batys Qazaqstan oblysyndaǵy Shalqar kólinde avtokóligimen júrgen júrgizýshige aıyppul salyndy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, áleýmettik jelige monıtorıng júrgizý barysynda 15 shilde kúni «Toyota Camry» avtokóliginiń sýdaǵy qozǵalysy túsirilgen beınejazba jarııalanǵany anyqtaldy. Oqıǵa Shalqar kóliniń jaǵasynda bolǵan.

«Ol kóliktegi memlekettik tirkeý nómiriniń basqa avtokólikke tıesili ekeni belgili boldy. 20 jastaǵy júrgizýshige QR Ákimshilik quqyqbuzýshylyq kodeksiniń 590-baby 3-bóligine (kólik quralyna kórineý jalǵan nemese qoldan jasalǵan memlekettik tirkeý nómiri belgisin ornatý) sáıkes ákimshilik hattama toltyrylyp, aıyppul salyndy», - dep habarlady vedomstvodan.

Eske sala keteıik, budan buryn Oralda jol shuryq-tesik bolǵandyqtan, avtokólik dońǵalaqtary jarylyp jatqanyn jazǵan edik.