Shahtınsk qalasynyń oqýshylar saraıynda 100-den astam tegin úıirme jumys isteıdi
Búgingi tańda oqýshylar saraıy – shyǵarmashylyq pen shabyttyń keń álemi. Onyń qabyrǵacynda 4 jastan 18 jasqa deıingi balalar óz qyzyǵýshylyǵy boıynsha sektsııalarǵa tegin qatysady.
Saraıda kóptegen baǵyttar bar: zııatkerlik-tanymdyq, DQÓ, kórkem-estetıkalyq, sporttyq-saýyqtyrý, ekologııalyq-bıologııalyq, ǵylymı-tehnıkalyq, azamattyq-patrıottyq, týrıstik-ólketaný, ınklıýzıvti, kásiptik baǵdar berý.
Oqýshylar saraıy Shahtınsk qalasynyń barlyq oqý oryndarymen yntymaqtasady.
«Biz mektepke deıingi, orta, tehnıkalyq jáne kásiptik, qosymsha bilim berýdi ıntegratsııalaý boıynsha baıypty jumys júrgizip jatyrmyz. Balalar men jasóspirimderdi qosymsha bilimmen qamtýdy ulǵaıtý úshin bizdiń saraıdyń balalar birlestikteri balabaqshalar, mektepter jáne Shahtınsk tehnologııalyq kolledji bazasynda jumys isteıdi», – deıdi Oqýshylar saraıynyń basshysy Irına Shmık.
Mektepke deıingi uıymdarda «Baǵdarsham eli», «Syıqyrly ermeksaz», «Túrli-tústi palıtra», «Toǵyzqumalaq» úıirmeleri ashyldy.
Mektepterde «Sáttilik tumary» shyǵarmashylyq jobasy júzege asyrylyp otyr.
Oqýshylar sabaqtan keıin «Qyzyqty fızıka», «Orys tiliniń qupııalary», «Zııatkerlik oıyndar klýby», «Shyǵarmashylyq sheberhanasy» jáne basqa da kóptegen balalar birlestikterine qatysa alady.
2020 jyldyń jeltoqsanynda Balalar men jasóspirimder ortalyǵy men mektepishilik oqý-óndiristik kombınat biriktirildi.
«Bolashaqty tańdaý» beıinaldy daıyndyq boıynsha shyǵarmashylyq jobany iske asyrý sheńberinde 10-11 synyp oqýshylary «Avto isi», «Avtodánekerleýshi», «Tamaq daıyndaý tehnologııasy», «Medıtsınalyq bilim negizderi», «Shashtaraz-vızajıst», «Kıim dızaıny» baǵyttary boıynsha oqytýdan ótedi.
Sonymen qatar, ekinshi korpýsta (burynǵy OÓK ǵımaraty) 12 jastan 18 jasqa deıingi balalarǵa arnalǵan shyǵarmashylyq úıirmeler jumys isteı bastaıdy.
Bul «Impýls» jasóspirimder-jastar klýby jáne «Jıvaıa kartına» psıhodrama stýdııasy, «Qýyrshaqtar álemi» jáne «Vkýsnaıa kýhnıa», «Oıyn sheberhanasy» jáne eriktiler klýby. Al bas ǵımarat bazasynda Media Stream medıastýdııasy, «Sóz sheberhanasy» (jyldam oqýdy úırený boıynsha) jáne «Dombyramen án salý» úıirmesi, «ARTıShOK» ádebı-teatr stýdııasy jáne t. b. ashylady.
Osydan úsh jyl buryn Oqýshylar saraıynda «Kemeńger» tehno ortalyǵy óz jumysyn bastady. Munda birneshe zerthanalar, robototehnıka mektebi, elektrondy dızaın kabıneti, zııatkerlik oıyndar klýby jáne basqalary bar.
«Jas taý-ken qutqarýshysy» týrıstik birlestiginiń bazasynda «Іz kesýshi» («Sledopyt») úıirmesi jumysyn jalǵastyrady jáne «Іz kesýshi-qutqarýshy» («Sledopyt-spasatel») klýby ashylady.
Erekshe bilim berý qajettiligi bar balalarǵa da kóp kóńil bólinedi.
«Osy sanattaǵy balalar úshin biz «Erekshe bala» klýbynda sabaqtar ótkizemiz, sondaı-aq arnaıy mektep-ınternat bazasynda ártúrli balalar birlestikteri jumys isteıdi: «Qııaldaýshylar», «Kempirqosaq tústeri», «Kóńildi notalar», «Úı shashtarazy». Tirek-qımyl apparaty buzylǵan balalardy Toǵyzqumalaq ulttyq oıynyna úıretý boıynsha top ashyldy», – deıdi Irına Shmık.
Oqýshylar saraıynyń oqytýshylary balalardy qyzyqtyrý jáne jumyldyrý úshin qoldan kelgenniń bárin jasaıdy.
Bizdiń bilikti ustazdarymyz – taptyrmas romantıkter, qushtar adamdar, naǵyz entýzıastar. Olar únemi ádistemelik jáne kásibı ósýge daıyn», – dep atap ótti oqýshylar saraıynyń jetekshisi.
Jańa oqý jylyna balalardy úıirmeler men shyǵarmashylyq birlestikterge jazý Mindal onlaın-portaly arqyly júrgiziledi.
