Shahmattan álem chempıony ChatGPT-di oısyrata jeńdi

ASTANA. KAZINFORM — ChatGPT norvegııalyq grossmeıster Magnýs Karlsennen jeńildi. Bul týraly 34 jastaǵy shahmatshy áleýmettik jelide habarlady, dep jazady Kazinform tilshisi.  

Grossmeısterdiń aıtýynsha, sapar barysynda zerikken soń, ChatGPT-men onlaın shahmat partııasyn oınaýǵa sheshim qabyldaǵan. 53 júristen turatyn onlaın partııada norvegııalyq shahmatshy jasandy ıntellektini oısyrata jeńip, birde-bir tasyn joǵaltpaǵan.

I sometimes get bored while travelling pic.twitter.com/MmkEeCg0Xn

— Magnus Carlsen (@MagnusCarlsen) July 11, 2025

Sondaı-aq, Karlsen jasandy ıntellektten óz oıynynyń deńgeıin baǵalaýdy suraǵan. Chat-bot onyń reıtıngi FIDE nemese USCF júıesi boıynsha 1800–2000 shamasynda dep boljaǵan. Alaıda Karlsenniń naqty reıtıngi budan áldeqaıda joǵary — 2839.

Shahmat qaýymdastyǵy men áleýmettik jeli qoldanýshylary chat-bottyń baǵasyn ázilmen qabyldady.

Buǵan deıin biz ChatGPT álemdegi eń kóp qaralatyn besinshi saıtqa aınalǵanyn jazǵan edik.