Shahmat sheberleriniń shaıqasy bastaldy
ASTANA. KAZINFORM – Astanada rapıd jáne blıts boıynsha komandalyq álem chempıonatynyń alǵashqy týry bastaldy. QR Týrızm jáne sport vıtse-mınıstri Serik Jarasbaev pen Qazaqstan shahmat federatsııasynyń prezıdenti Tımýr Týrlov chempıonattyń alǵashqy júrisin jasap, birinshilik resmı túrde jalǵasty.
Tórt kún boıy 39 komandanyń quramyndaǵy 315 shahmatshy úzdikterdiń úzdigin anyqtaıdy. Rapıd boıynsha komandalyq álem chempıonaty tamyz aıynyń 2-4 aralyǵynda shveıtsarııalyq júıe boıynsha ótedi.
Blıts boıynsha komandalyq álem chempıonaty eki kezeń boıynsha 5 tamyzda ótedi. Alǵashqy kezeńde komandalar aınalmaly júıe boıynsha oınap, úzdik 16 komanda ekinshi kezeńge joldama alady. Sóıtip, ár oıyn saıyn tek úzdikter iriktelip, júldege talasatyn bolady.
«Komandalyq álem chempıonatynyń Astanada ótýi Qazaqstan úshin úlken mártebe. Birinshilik óz jerimizde uıymdastyrylǵandyqtan qazaqstandyq komandalar kóp. Chempıonattyń ereksheligi sol, komanda sapynda kem degende bir áıel jáne áýesqoı oıynshy bolýy tıis. Bul rette, jergilikti shahmatshylarǵa álemniń úzdik shahmatshylarymen oınaý baqyty buıyrǵaly tur. Mundaı múmkindik bir-aq ret berilýi de múmkin ǵoı. Osylaısha, elimizde shahmat sportynyń damýy jańa deńgeıge kóteriledi degen senim mol», - deıdi Tımýr Týrlov.
Aıta keteıik, týrnırdiń jalpy júlde qory 350 000 eýro. Onyń €250 000 rapıdke, €100 000 blıtske bólingen.
