«Shaǵyn memleketimizdi qorǵaı alamyz ba?» - baspasózge sholý
*** «Kórkimen de, sánimen de, saıası syndarly is-áreketterimen de álemge tanylyp úlgergen Astanamyzdyń damýy barsha qazaqstandyqty qýantyp otyrǵany aqıqat. Bul oraıda, Elbasy elimizdiń barlyq qalalary boı túzeıtin, aýyl-aımaq súısine qaraıtyn astanamyzdy odan ári aıalaýǵa, onda turyp jatqan kóptegen elordalyqtardy qalanyń naǵyz qojaıyny bolýǵa, kóshe, aýlalardy taza ustaýǵa shaqyrdy. Degenmen, bul úndeýge birqatar jandardyń qosylýǵa moıny jar bermeı me, álde, teris nıetti tárbıelengender me belgisiz, áıteýir, nemquraıdy qaraıtyndyǵy sońǵy kezde anyqtalyp otyr», - dep jazady « Egemen Qazaqstan » gazeti. Basylymnyń jazýynsha, taıaýda elordada 18 quqyq buzýshyǵa birden sot bolyp, ol ashyq ótti. Álgi sotqa tartylǵan jandardyń bári usaq quqyq buzýshylyqqa barǵandar eken. Onyń ústine bul sot otyrysy orta mekteptiń birinde boldy jáne oǵan sol aýdandaǵy jaǵdaıǵa nemquraıdy qaramaıtyndar shaqyrylyp, protses ózin ózi taný kabınetinde uıymdastyryldy. Maqala « Qoǵamnyń qoqysy jappaı jumylǵanda joıylady » degen taqyryppen berilgen.
« Egemen Qazaqstan » gazetiniń búgingi sanynda Mańǵystaý aýdanynyń ákimi Jarmaǵanbet Aıtýarovpen aradaǵy suhbat « Jol jaǵdaıy jiti nazarda » degen taqyryppen berildi. Basylym tilshisiniń barlyq saýalyna tuşymdy jaýap bergen aýdan basshysy: «Aýdan ortalyǵy Shetpe aýyly boıynsha jylyna 3-4 shaqyrym joldy asfalttaý sońǵy jyldary úrdiske aınaldy. Bıyl Shetpe aýylyndaǵy Maqash, Ortalyq, Qarashoqy-1 shaǵyn aýdandaryna avtokólik joldary salyndy. Qarjy bólingen Jyńǵyldy aýylishilik avtokólik jolynyń qurylys jumystary jýyrda bastalmaq. Sondaı-aq, Shetpe aýylynan 50 oryndyq avtobeket qurylysy men Qyzan aýylishilik avtokólik joldarynyń qurylysy jumysynyń jobalyq-smetalyq qujattamalary daıyn. Al Shaıyr jáne Ótes aýylishilik avtokólik joly jumysynyń jobalyq-smetalyq qujattamalary jasaqtalýda. Bolashaqta jalpy aýdan boıynsha jylyna bir-eki aýyldan avtokólik joldaryn asfalttaýdy josparlap otyrmyz», - deıdi.
***
«Sońǵy ondaǵan jyldardan beri álem ǵalymdarynyń nazaryn aýdaryp otyrǵan bir nárse bar: Qytaıdyń Sychýan provıntsııasyndaǵy ıAnsy selosy turǵyndarynyń 40 paıyzy ergejeıliler bolyp shyqty. Olardyń boıynyń eń uzyny - 1 metr 17 santımetr, al eń tómeni - 64 santımetr», - dep jazady « Aıqyn » gazeti « Ergejeıliler mekeni » qaı jerde? » degen taqyryptaǵy maqalasynda. Basylymnyń jazýynsha, ıAnsyǵa bul tajal qaıdan keldi, jergilikti qarttardyń aıtýyna qaraǵanda, bári osydan 60 jyldan astam ýaqyt buryn bastalǵan. Bir kúnde bastalǵan tosyn kelgen syrqattyń syry anyqtalǵan joq. Oqys kelgen aýrý sol jyly 5-7 jastaǵy balalarǵa qatty áser etken, jalpy, bul jastaǵy sábıler ósimtal keledi emes pe?! Al olar ósimin toqtatqan, syryn bildirmegen aýrý aqyry osy eldi mekendegi ulttyń fızıkalyq ósýin toqtatqan. Qytaı ǵalymdary munyń sebep-saldaryn izdegen: sarapshylar ot pen sýdy, jeıtin taǵamdardy da tekserip kórgen. Alaıda qolǵa iliner, kózge kóriner esh dálel men dáıek tappaǵan.
Grýzııanyń burynǵy prezıdenti Mıhaıl Saakashvılıdiń anasy Gıýlı Anasanııa: «Bizdiń jeńisimiz de, jeńilisimiz de - otbasydan bastalady» degen edi. Jeńistiń de, jeńilistiń de otbasydan bastalatyn jóni bar. Óıtkeni otbasy - shaǵyn memleket. biz shaǵyn memleketti, ıaǵnı otbasy qundylyǵyn saqtaı alyp júrmiz be? Dál osy máseleni kótergen maqala « Aıqyn » gazetiniń búgingi nómirinde « Shaǵyn memleketimizdi qorǵaı alamyz ba? » degen taqyryppen berilgen. «Otbasynyń basty qyzmeti nede? Bala tárbıeleý emes pe? Endeshe, otbasy degenimiz de - jalpy tárbıeniń basty bóligi. Ata-ana jáne otbasy músheleri jas náreste dúnıege kelgen kúnnen bastap, onyń ómirine qamqorlyq jasap, bolashaǵyn josparlaıdy jáne onyń sapaly azamat bolyp ósýine jaǵdaı jasaıdy. Munyń ishinde balanyń qajettiligin tolyq qanaǵattandyrý, ony dene jáne oı eńbegine úıretý, adal bolýǵa tárbıeleý, jamandyqtan jırendirý emes pe? Balanyń boıyna sińiriletin mádenı qundylyqtar men adamgershilik qasıetteri eń aldymen ata-ana arqyly darymaıtyn ba edi. Olaı bolsa, otbasy qundylyǵyn saqtaı almaǵan ana men ákeden ne qaıyr kútemiz?», - deıdi maqala avtory.
*** «Qasıetti Ramazan aıy aıaqtalar túnniń aldynda Almaty oblysyndaǵy meshitti jergilikti turǵyn tonady», - dep jazady «Ekspress-K» gazeti «Nıchego svıatogo» degen taqyryppen shyqqan maqalasynda. Basylymnyń atap ótýinshe, quqyq qorǵaý organdary qylmyskerdi izin sýytpaı qolǵa túsirgen. Óńirlik ІІD-niń málimetterine sáıkes, suǵanaq qol azamat Jambyl aýdanynyń 23 jastaǵy turǵyny bolyp shyqty. Іshimdikke sylqııa toıǵan ol tún jamylyp, meshittiń aýlasyna kirip, ǵımarattyń plastık terezesin buzyp ishke kirgen jáne zaldaǵy pitir sadaqa salynatyn jáshikti alyp ketken. Qylmysker urlanǵan qarjynyń bir bóligin ishimdik pen tiskebasarǵa jumsaǵan, al qalǵan bóligin polıtseıler meshitke qaıtardy. Degenmen, meshit qyzmetkerleri de sadaqaǵa qansha qarjy túskenin bilmeıdi.
***
«Vremıa» gazetiniń jazýynsha, Ýkraınadaǵy oqıǵalardan keıin Pavlodar oblysynda taýyq quny kúrt artyp, dúken sórlerinen jumyrtqalar kózden bul-bul ushqan. Basylymnyń jazýynsha, osydan eki apta buryn ǵana Sharbaqty aýdanyndaǵy áleýmettik dúkende taýyqtyń kelisi 580 teńge bolsa, búginde ol 720 teńgege qymbattap otyr. Al jumyrtqa tipti satylymda joq. Dúken satýshysynyń sózine qaraǵanda, taýyq fabrıkasynyń ónimderin reseılikter satyp alyp jatqan kórinedi. Maqala «Kýrınyı perepoloh» degen taqyryppen berilgen.
