Seıdahmet Berdiqulovtyń 90 jyldyǵyna arnalǵan bılıard týrnıriniń jeńimpazdary anyqtaldy

ALMATY. QazAqparat – Almatyda qazaq sport jýrnalıstıkasynyń negizin qalaýshy, jýrnalıst, jazýshy Seıdahmet Berdiqulovtyń 90 jyldyǵyna arnalǵan BAQ ókilderi arasyndaǵy bılıard týrnıriniń jeńimpazdary anyqtaldy, dep habarlaıdy QazAqparat tilshisi.

64 adam baq synaǵan týrnırge joǵary ulttyq dárejedegi tóreshi Nesip Júnisbaıuly qazylyq etti. Jarystyń ashylý saltanatynda ol Seıdahmet Berdiqulovtyń 90 jyldyǵy bıyl kúzde Respýblıka kóleminde atalyp ótetinin aıtty.
«Men Seıdahmet Berdiqulovty Qazaqstandaǵy №1 jýrnalıst dep sanaımyn. Ol tabıǵı jazýshy, keremet redaktor boldy. Onyń ıdeıalary kabınetine syımaı, syrtqa shyǵyp jatatyn. Aǵamyz 61 jyl ǵumyrynda artyna óshpes dúnıeler qaldyrdy. Men Aqparat mınıstri Darhan Qydyrálige hat jazǵan edim, ol kisiden «bıyl kúzde Seıdahmet Berdiqulovtyń 90 jyldyǵy respýblıka kóleminde atap ótiledi» degen jaýap keldi», - dedi Nesip Júnisbaı.

Jarys qorytyndysyna keler bolsaq:
Bas júlde (500 myń teńge) – «Shý óńiri» gazetiniń bas redaktory Erǵalı Qartaıǵan,
І oryn (300 myń teńge) – «KTK» telearnasynyń tilshisi Erlanbı Senkebaev,
II oryn (200 myń teńge) - Jazýshylar odaǵynyń múshesi Nurtas Turǵanbek,
III oryn (100 myń teńge) - Kollaj jasaýshy Ilıas Sarseevke buıyrdy.
Jaqsy oıyn kórsetken ardager jýrnalıster Aıan Nysanalın, Qaınar Oljaı, Nesip Júsipbaı, Turmaǵanbet Kenjebaev, Jaqypjan Nurǵojaevtar alǵys hat jáne 50 myń teńge kóleminde aqshalaı syılyqtarmen marapattaldy.
Aıta keteıik, is-sharany «Jas Alash» respýblıkalyq gazeti uıymdastyrdy.