Seýldegi oqıǵa kezinde 350-den astam adamnyń iz-túzsiz joǵalǵany týraly habarlama túsken

SEÝL. YONHAP – QazAqparat - Seýl úkimeti jeksenbi kúni Ithevon aýdanynda Helloýın merekesin toılaý keshinde bolǵan qaıǵyly jaǵdaıǵa baılanysty 355 adamnyń joǵalǵany týraly habarlama alǵanyn málimdedi, dep habarlaıdy QazAqparat Ońtústik Koreıanyń Yonhap agenttigine silteme jasap.

Órt sóndirýshilerdiń habarlaýynsha, senbi kúni keshke Helloýın merekesin toılaý úshin tar kóshede kóp adam jınalyp, syǵylysýynyń saldarynan keminde 151 adam qaza taýyp, taǵy 82 adam zardap shekti.

Qala bıligi Helloýın merekesindegi oqıǵadan keıin iz-túzsiz joǵalǵandar týraly habarlama alyp, olardy polıtsııaǵa tapsyryp otyrǵanyn málimdedi.

«Mereke kezinde qaza bolǵandardyń otbasylaryna qoldaý kórsetý úshin shamamen 50 aýrýhanaǵa 60-qa jýyq qyzmetker jiberildi. Qaza bolǵandardyń kóbi – jasóspirimder»,-delingen habarlamada.

Osyǵan deıin Seýldegi Seýlde Helloýın merekesinde 120-dan astam adamnyń qaza tapqanyn jazdyq.

Sondaı-aq Ońtústik Koreıada Ulttyq aza tutý kúni jaııalandy.

UR Syrtqy ister mınıstrligi Seýlde qaza bolǵandardyń arasynda qazaqstandyqtar týraly málimet joq dep málimdedi.

Foto: VVS