Seýldegi Helloýın merekesinde kóz jumǵandar sany 158 adamǵa jetti

SEÝL. Yonhap - QazAqparat – Seýlde Helloýın merekesin toılaý keshinde kóz jumǵandar sany ósip, 158 adamǵa jetti. Odan bólek 196 adam zardap shekkti. Bul týraly Ońtústik Koreıanyń ishki ister mınıstrligi málim etti, dep habarlaıdy QazAqparat Yonhap agenttigine silteme jasap.

Buǵan deıin 157 adamnyń qaıtys bolǵany habarlanǵan edi. Ońtústik Koreıa tarıhyndaǵy qaraly oqıǵalardyń biri Seýldyń Ithevon aýdanynda 29-30 qazanǵa qaraǵan túni boldy. Sońǵy málimetter boıynsha, qaza tapqandar arasynda 102 áıel men 56 er adam bar.

Eske salsaq, buǵan deıin tar kóshede adamdar tobynyń merekege kelgen balalardy taptap ketý oqıǵasy saldarynan 156 adam kóz jumǵany habarlandy. Olardyń arasynda qazaqstandyq stýdent te bar. Seýlde kóz jumǵan qazaqstandyqtyń máıitin elge jetkizý shyǵynyn Koreıa tarapy kóterdi.