Seýlde Ortalyq Azııa elderiniń máselesi talqylanbaq
Jıynǵa daıyndyq úshin Qazaqstan, Qyrǵyzstan, Tájikstan, Túrikmenstan jáne Ózbekstan mınıstrlikteri men vedomstvolarynan 5 ókilden shaqyrylǵan.
Bizdiń elden oǵan Energetıka jáne aýyl sharýashylyq mınıstrliginiń qyzmetkerleri qatysýda. Qonaqtarǵa ekologııany jaqsartý boıynsha noý-haý kórsetilip, qazaqstandyqtar ortalyq-azııalyq áriptestermen birge qoqysty qaıta óńdeý alańyn kórdi. Munda Seýlden kún saıyn 18 myń turmystyq qoqys ákelinedi. Olar tıisinshe bólshektelip tazartylady. Sóıtip, aýyz sý, mal azyǵy jáne qalalyq avtobýstar paıdalanatyn gaz sııaqty zattar alynady. Osymen qatar delegatsııalar ekologııalyq zertteýler jónindegi ulttyq ınstıtýtta boldy. Bul mekeme aýaǵa zııandy qaldyqtar shyǵarmaıtyn jáne kún batareıalary arqyly ózin elektrmen qamtamasyz etetin ǵımaratta ornalasqan.
«Seýldegi 5 memleket Syrtqy ister mınıstrleri kezdesýiniń basty taqyryby - sý qorlaryn tıimdi paıdalaný jáne Aral teńizin qutqarý. Sondyqtan sýdy tazartý boıynsha noý-haýmen tanystyrý úshin osy salanyń mamandaryn shaqyrdyq. Sondaı-aq biz Ortalyq Azııa elderi ókilderi koreılik áriptesterimen tanysyp, tájirıbe almassa dep edik», - dedi Ortalyq Azııa yntymaqtastyǵy forýmy hatshylyǵynyń atqarýshy dırektory Kım Song In.
