Seýlde medıtsınalyq professorlar jappaı demalysqa ketip jatyr
ASTANA. KAZINFORM – Seýldiń iri aýrýhanalaryndaǵy medıtsınalyq professorlar juma kúni eki aptanyń ishinde úshinshi demalys kúnin aldy. Olar úkimettiń medıtsınalyq sharalaryna narazylyq retinde jumys oryndarynan ketken praktıkant dárigerlerdiń ornyn toltyrýdan sharshaǵanyn aıtty, dep jazady Yonhap.
Arýhana málimetinshe, sharshaǵan professor-dárigerler demalysqa ketkende, aýrýhanalardaǵy aýyr naýqastar men statsıonarlyq kómekke muqtajdar qaraýsyz qalady.
30 sáýir men 3 mamyr kúnderi dáigerler demalys aldy, biraq qoǵamdyq densaýlyq saqtaýdaǵy eleýli úzilister týraly habarlanǵan joq.
Juma kúni Seýldiń tórt iri aýrýhanasynda — Seýl ulttyq ýnıversıtetiniń aýrýhanasynda, Asan medıtsınalyq ortalyǵynda, Severans aýrýhanasynda jáne Seýldegi kıeli Marııa aýrýhanasynda keıbir medıtsına oqytýshylary erikti demalys aldy.
Jalpy aýrýhanalardaǵy aǵa dárigerler sanalatyn professorlar 20 aqpannan bastap medıtsına salasyndaǵy stýdentterdiń sanyn 2000-ǵa kóbeıtý josparyna narazylyq retinde jumys oryndarynan ketken shamamen 12000 praktıkant dárigerlermen apta saıynǵy demalys kúnderin bastady.
