Seýlde byltyr bolǵan qaıǵyly jaǵdaıǵa jergilikti sheneýnikter kináli - tergeý toby

ASTANA. QazAqparat – Ótken jyldyń qarasha aıynda Seýlde Helloýın merekesinde qaıǵyly oqıǵa tergelip bitti. Іsti tergegen arnaıy polıtsııa toby jergilikti sheneýnikterdiń kinásinen boldy degen qorytyndyǵa keldi, dep habarlaıdy QazAqparat VVS-ge silteme jasap.

Polıtsııa Seýl qalalyq merııasynyń, Ońtústik Koreıa ulttyq polıtsııasynyń nemese eldiń ishki ister mınıstrliginiń joǵary laýazymdy qyzmetkerleriniń qyzmettik mindetterin tıisinshe oryndamaǵany úshin kináli ekenin rastaı almady. Esesine qaıǵyly oqıǵaǵa tómengi dárejeli sheneýnikter kináli dep tanyldy. Olardyń altaýy nemquraılylyq tanytty degen aıyppen qamaýǵa alyndy, olardyń arasynda polıtsııanyń burynǵy basshysy men qaıǵyly oqıǵa bolǵan Seýl aýdanynyń basshysy da bar.

Baıandamada taǵy 17 adamdy, onyń ishinde Ońtústik Koreıa astanasynyń polıtsııa basshysyn jaýapkershilikke tartý usynyldy. Qaıǵyly oqıǵadan keıin kóp uzamaı polıtsııaǵa sherýdegi jaǵdaıdyń qaýipti bolyp bara jatqany týraly eskertýler túskeni belgili boldy. Alaıda polıtsııa mundaı 11 qońyraýdyń tek tórteýine ǵana jaýap bergen.

Buǵan deıin habarlaǵanymyzdaı, Seýldegi Helloýın sherýi kezinde 150-den astam adam qaza tapty.

Foto: en.yna.co.kr