Serikjan Baıbosynov: Men óz tańdaýymdy jasadym

QARAǴANDY. QazAqparat – QR Prezıdenti janyndaǵy Memlekettik basqarý akademııasy fılıalynyń dırektory Serikjan Baıbosynov saılaýda alǵashqylardyń biri bolyp daýys berdi. Ol jerlesterin azamattyq boryshyn oryndaýǵa shaqyrdy, dep habarlaıdy QazAqparat tilshisi.

Qaraǵandy qalasy Muqanov kóshesi, 3-shi úıde ornalasqan №37 saılaý ýchaskesinde daýys berýshiler qatary qalyń. Olardyń arasynda QR Prezıdenti janyndaǵy Memlekettik basqarý akademııasy fılıalynyń dırektory Serikjan Baıbosynov bolyp, azamattyq paryzyn oryndady.

«Ata Zańmen bekitilgen daýys berý quqyǵymdy paıdalanyp, óz tańdaýymdy jasadym. Azamattardyń belsendiligi óte joǵary, óz saılaý aýmaǵyna túrli sebeptermen jete almaı qalǵan azamattar da ótinish jazyp, daýys berý quqyǵyn paıdalanýda. Pandemııaǵa baılanysty sanıtarlyq talaptar da qatań saqtalǵan. Saılaý ýchaskesine kelip jatqan azamattardyń kóptigi saıası belsendilik pen mádenıettiń joǵarylap kele jatqanyn bildirse kerek», - deıdi Serikjan Baıbosynov.