Serik Sanaýbaev: Biz saýatty zamanaýı basqarýshyny tańdaýymyz kerek

QARAǴANDY. QazAqparat – Qaraǵandy oblysynda aýyldyq okrýgterdiń, aýyldar men kentterdiń ákimderi 25 shildede saılanady. «Qaraǵandy oblysynyń kásipkerler odaǵy» qoǵamdyq birlestiginiń tóraǵasy Serik Sanaýbaev aldaǵy saılaý týraly óz pikirimen bólisti, dep habarlaıdy QazAqparat tilshisi.

«Dál qazir osyndaı saılaý ótkizý qajet bolatyn ýaqyt keldi. Oǵan ózin usynshylardyń jiberiletini óte mańyzdy. Bul básekelestikti arttyrady. Biz bárimiz «ákimder taǵaıyndalmaýy kerek, olar saılanýy tıis» dep aıtamyz, sondyqtan halyq saılaý protsesine belsendi aralasýy kerek. Elimizdiń, oblystyń, aýdannyń, okrýgtiń, aýyldyń taǵdyry úshin jaýapkershilik úlesiniń bir bóligin turǵyndar ózine alýy kerek», – dep esepteıdi Serik Sanaýbaev.

Spıkerdiń aıtýynsha, eń bastysy - jaqsy adamdy ǵana emes, saýatty zamanaýı menedjerdi tańdaý qajet.

«Biz óte jaqsy bilimi bar, jeke basynyń jaqsy qasıetteri bar bilimdi adamdy ǵana emes, sonymen qatar tyńdaı biletin jáne jumys jasaı alatyn zamanaýı menedjerdi tańdaýymyz kerek. Saılanǵan ákim barlyq ýádesin oryndaýy tıis. Bul jerde halyqtyń kómegi men qoldaýy asa qajet. Biz el azamattary retinde saılaýdyń laıyqty deńgeıde ótýine yqpal etýimiz kerek. Memleket óz qadamyn jasady, endi is bizdiń qolymyzda», - dep atap ótti Serik Sanaýbaev.