Serik Dúısenbaev: Saılaýǵa qatysý – ár adamnyń azamattyq mindeti

QYZYLORDA. QazAqparat - El bolashaǵyn aıqyndaıtyn mańyzdy sharaǵa qatysý - árbirimizdiń azamattyq mindetimiz dedi oblystyq ardagerler keńesiniń tóraǵasy Serik Dúısenbaev QazAqparat tilshisine.

Serik Dúısenbaev búgingi saılaýda alǵashqylar qatarynda daýys berdi. Mańyzdy naýqanǵa baılanysty óziniń oı-pikirin bildirdi.

«Búgingi kún - memleketimizdiń bolashaǵyn aıqyndaıtyn asa mańyzdy tarıxı sát. Biz ortaq bolashaǵymyzdyń damýy úshin daýys beremiz. Elimizde Memleket basshysynyń tapsyrmalaryn iske asyrý maqsatynda kóptegen aýqymdy jumystar atqarylýda. Aldymyzda memleketimizdi alǵa odan ári jeteleıtin aýqymdy mindetter tur. Árbir azamattyń óz tańdaý quqyǵy bar. Barsha qyzylordalyqtardy óz Konstıtýtsııalyq quqyǵyn paıdalanyp, daýys berýge shaqyramyn. Damýdyń dańǵyl joly úshin ár azamat bolashaqty tańdaý quqyǵynan qalys qalmaýy qajet», - dedi Serik Dúısenbaev.