Serik Aqsholaqov aqtóbelik naýqastardyń julyn isigine ota jasady
Kúrdeli otany Astanadaǵy ortalyqta jasaıtyn Serik Aqsholaqov týǵan jerge kelip, birneshe sheberlik sabaǵyn ótkizdi. Ol eki ota jasady.
«Aqtóbe medıtsınalyq ortalyǵy men Ulttyq neırohırýrgııa ortalyǵy tyǵyz baılanysty jumys isteıdi. Ortalyqta dúnıejúziniń 60-tan astam jańa tehnologııasy engizilse, onyń teń jartysyn óńirler meńgerip, tájirıbede qoldanyp júr. Sheberlik sabaqtary Astanadaǵy ortalyqta bolsa, búgin men Aqtóbede ota jasadym. Julyn isigine em jasaldy. Aýrýhananyń mamandary bilikti, bólimshede joǵary tehnologııaly apparattar bar. Aldaǵy ýaqytta klınıkalyq farmatsııa bólimshesin engizýdi josparlap otyrmyz. Aqtóbe medıtsınalyq ortalyǵymen yntymaqtastyq memorandýmyna qol qoıylady», - dedi Ulttyq neırohırýrgııa ortalyǵynyń dırektory Serik Aqsholaqov.
Aqtóbe medıtsınalyq ortalyǵy jańa endoskopııalyq apparat satyp aldy. Ulttyq ortalyq mamandary sol apparatty tájirıbe júzinde qoldanýǵa kómek kórsetedi.
«Biz kóbine naýqastardy Astanaǵa aldyryp ota jasaımyz. Sebebi bul salanyń qural-jabdyǵy óte qymbat, ota uzaq jasalady. Aqtóbege kelgen kezde eki ota jasaldy. Taǵy birneshe naýqastyń otaǵa daıyndyǵyn qarap jatyrmyz. Eger otaǵa daıyn bolsa kómek kórsetiledi. Birneshe naýqasqa keńes berildi. Aqtóbede medıtsına ýnıversıteti bar. Sondyqtan óńirdegi neırohırýrgterdiń tájirıbesi mol, bilikti », - dedi Serik Aqsholaqov.