Sergeı Lýkashenko: 100 jańa esim - ózińdi jarnamalaý emes

ASTANA. QazAqparat - «100 jańa esim» tizimine engen Ulttyq ıadrolyq ortalyq bas dırektorynyń radıoekologııa jónindegi orynbasary, QR «Radıatsııalyq qaýipsizdik jáne ekologııa ınstıtýty» fılıalynyń dırektory Sergeı Lýkashenko QazAqparat tilshisine joba týraly aıtyp berdi.

«Meni bul jobaǵa ózderi usyndy. Tipti, bilmeı qaldym. Men úshin bári aıaq astynan boldy. Biraq meni qýantatyny - bul joba Ulttyq ıadrolyq ortalyqtyń jetistikterin nasıhattaýǵa múmkindik beredi. Menińshe, Táýelsizdik jyldarynda biz kóptegen jumystar atqardyq», - deıdi ol.

Lýkashenkonyń paıymdaýynsha, álemdegi eń úzdik radıoekologııalyq mektepterdiń biri bizdiń Qazaqstanda ashylǵan.

 «Əlemdegi eń úzdikterdiń qatarynda turǵanymyz sózsiz. Damýdyń osynaý 20 jyly bəlkim az da bolýy múmkin. Sondyqtan, osy jobaǵa qatysqanym - óz-ózimdi jarnamalaǵanym emes, biz týraly əńgime qozǵaý», - deıdi ol.

Sergeı Lýkashenkonyń kezinde Radıatsııalyq qaýipsizdik jəne ekologııa ınstıtýty Ulttyq ıadrolyq ortalyqtyń beldi bólimshesine aınalǵan. Naqtyraq aıtqanda, ǵalymdardyń sany artyp, ınstıtýt jumysyn keńeıtken. Instıtýtta jańa qoldanbaly baǵyttar paıda bolǵan.

Eske sala ketsek, 1 jeltoqsan kúni QR Prezıdenti Nursultan Nazarbaev «Rýhanı jańǵyrý» baǵdarlamasy aıasynda uıymdastyrylǵan «100 jańa esim» jobasynyń 102 jeńimpazymen kezdesken bolatyn. Qazaqstannyń týyn bıikke kótergen sportshylar men aq halatty dárigerler, metsenattyqpen kózge túsken beldi kásipkerlermen ǵalymdar, mádenıet pen qoǵamdyq salada el aýzynda júrgen azamattar Elbasynyń jyly lebizine bólengen edi.